«Jany jeŭrapiejcy, u ich Ženieŭskaja kanviencyja pracuje». U Rasii vypuścili intervju z vyzvalenym z ukrainskaha pałonu, a paśla vydalili
Na jamała-nienieckim kanale «Łabytnanhi-TB» vyjšła hutarka ź viernutym z ukrainskaha pałonu kantraktnikam Michaiłam Radyhinym. Ale jaje terminova prybrali, bo jana nie adpaviadaje tezam rasijskaj prapahandy pra žachi ŭkrainskaha pałonu.
Michaił Radyhin — były palicejski z Chanty-Mansijskaj aŭtanomnaj akruhi, u žniŭni 2022 hoda zaklučyŭ kantrakt z rasijskaj armijaj, kab «prosta kavałačak da piensii dabić». Jaho nakiravali ŭ Charkaŭskuju vobłaść, tam jon amal adrazu byŭ paranieny i trapiŭ u pałon.
«Nie bili, narmalnaje staŭleńnie było», — kaža jon.
Va ŭkrainskim pałonie jamu abviaścili, dzie jon znachodzicca — u Charkaŭskim SIZA. Z Charkava pieravieźli ŭ Kijeŭ, adtul — pad Lvoŭ u łahier «na abmien».
Karmili try razy. Rasparadak armiejski. Instrumienty pakarańnia — prysiadańni i adciskańni. Vyvučyli ŭkrainski himn, «pra Banderu pieśniu», ale najbolš jamu spadabałasia pieśnia Safii Rataru «Čiervona ruta».
Da pałonnych pryjazdžali zamiežnyja žurnalisty, cikavilisia charčavańniem, umovami ŭtrymańnia, matyvami ŭdziełu ŭ vajnie. Kamiery znachodzilisia pad nahladam anłajn-nazirańnia, kab pravy pałonnych nie parušalisia.
«Jany jeŭrapiejcy. U ich tam kanviencyja hetaja Ženieŭskaja pracuje, jany nam jaje začytvali, našy pravy, usio heta poŭnaściu», — raspavioŭ Radyhin.
Paśla viartańnia z pałonu jon pravioŭ dadatkovyja try tydni ŭ zakrytaj vajskovaj čaści ŭ Maskvie — uvieś hety čas jaho dapytvali.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova15
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2525
Kamientary