Hałoŭčanka: «Usio, što my havorym, i źjaŭlajecca našaj źniešniaj palitykaj»
Dypłamaty pavinny dabivacca, kab pazicyja Biełarusi była zajaŭlena vyrazna i hučna. Pra heta zajaviŭ premjer-ministr Raman Hałoŭčanka, pradstaŭlajučy novaha ministra zamiežnych spraŭ Siarhieja Alejnika kalektyvu MZS, piša BiełTA.
«Varta vykarystoŭvać usie dastupnyja placoŭki dla daviadzieńnia našaj sumlennaj pazicyi pa pytańniach unutranaj i źniešniaj palityki. Pryčym rabić heta efiektyŭna: nie prosta vydać kamientaryj niedzie, a pracavać aktyŭna i nastupalna.
Niahledziačy na toje, što časam nas nie chočuć čuć (ci robiać vyhlad), vy pavinny dabivacca taho, kab pazicyja Biełarusi była zajaŭlena vyrazna i hučna.
Niachaj z nami ciapier nie ŭsie zhadžajucca, ale hołas Biełarusi pavinny čuć i razumieć našy padychody, jakija zaŭsiody adkrytyja, sumlennyja i prazrystyja. My nie viadziom ni dvajnych, ni trajnych hulniaŭ. Usio, što my havorym, i źjaŭlajecca našaj źniešniaj palitykaj», — skazaŭ Raman Hałoŭčanka.
Jon padkreśliŭ: jak by ni byli niehatyŭna nastrojeny ŭ adnosinach da Biełarusi asobnyja zachodnija koły, dypłamat abaviazany napracoŭvać bazu zamiežnych kantaktaŭ vysokaha ŭzroŭniu ŭ lubych umovach.
«Heta i jość asnoŭnaje pryznačeńnie, asabliva dla tych, chto pracuje za miežami našaj Radzimy. Heta datyčyć u pieršuju čarhu pasolstvaŭ i inšych zahranustanoŭ. Jakimi b ni byli adnosiny ŭ publičnaj płoskaści, dypłamaty abaviazany vieści i niepubličnuju pierahavornuju rabotu», — adznačyŭ premjer-ministr.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary