Hety hrafik pakazvaje, što sankcyi suprać Rasii dziejničajuć i jak jany dziejničajuć.
Šery hrafik — cana nafty Brent, jeŭrapiejskaha sortu-aryjencira. Čorny hrafik — cana sortu nafty Urals, asnoŭnaha sortu rasijskaj nafty. Błakitny — Espo, heta nafta z rasijskaha Uschodu.
Jak bačycie, try hetyja sarty da vajny kaštavali prykładna adnolkava. Z pačatkam vajny, z uviadzieńniem sankcyj, Rasija pradavała svaju naftu ź vialikim dyskontam — kala 20—40 dalaraŭ za baral, h. zn. kala 140—300 dalaraŭ za tonu. Ale adrazu paśla pačatku vajny, z ulikam niapeŭnaści i ciažkaści adaptacyi da novych umoŭ, cana nafty ŭźlacieła da histaryčna rekordnych vyšyń. Tamu sumy dachodaŭ Rasii, navat choć abjomy ekspartu ŭpali, zastavalisia prykładna niaźmiennyja.
Ciapier ža cana apuściłasia, ale dyskont na rasijskuju naftu zastajecca. Takim čynam, Rasija ŭ hetym miesiacy ŭžo atrymaje za naftu istotna mienš, čym heta byvała raniej.
Pakul nichto da kanca nie viedaje, što budzie z naftavym rynkam dalej. Kali stol cenaŭ na naftu, uviedzienaja krainami «Vialikaj siamiorki», budzie dziejničać paśpiachova, jana pryviadzie da istotnaha padzieńnia ekspartnych dachodaŭ Rasii. Bo lvinuju dolu ich prynosić prodaž nafty i hazu. U Rasii mała inšych kankurentazdolnych tavaraŭ.
Čamu Zachad nie moh uvieści stol cenaŭ raniej? Pa-pieršaje, rezki abryŭ patokaŭ nafty i hazu moh pryvieści da rezkaha rostu cenaŭ na ich, i Rasija apynułasia b u vyjhryšy. Zachad pieraaryjentavaŭsia pastupova. Pa-druhoje, patrebny byŭ čas, kab praličyć varyjanty i damovicca.
Kali padzieńnie dachodaŭ ad nafty stanie praciahłym, Maskvie stanie ciažej finansavać impieryjalistyčnuju vajnu i biełaruskaha satelita.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič10
Kamientary