Recept na vychadnyja. Aładki z bananam i biekonam — cikavaje spałučeńnie
Pakaštujcie hetyja niezvyčajnyja aładki.
Fota: BBC Food
Kab zhatavać aładki z bananam i biekonam, vam spatrebicca:
- 55 hramaŭ masła, pasiečanaha kubikami
- 275 hramaŭ muki
- 1 čajnaja łyžka razrychlalniku
- 2 jajki
- 2 stałovyja łyžki karyčnievaha cukru (pry jaho adsutnaści biarycie bieły cukar)
- 300 mililitraŭ małaka
- 1 vialiki banan, parezany na vialikija kavałki
- 1—2 stałovyja łyžki słaniečnikavaha aleju
- 8 pałosak biekonu biez škurki
- trochi vadkaha miodu dla padačy
- Razahrejcie duchoŭku da 110 hradusaŭ.
- Rastapicie 25 hramaŭ masła ŭ maleńkaj patelni na małym ahni i pakińcie masła astudžacca na 5 chvilin.
- Pakładzicie rastoplenaje masła, muku, razrychlalnik, jajki, cukar i małako razam u kuchonny kambajn i źmiašajcie ich da atrymańnia adnarodnaj masy (možna i prosta ŭźbić usio razam vienčykam). Pieralicie sumieś u vialikuju misku i razamnicie tudy ž banan z dapamohaj videlca. Pieramiašajcie.
- Pastaŭcie na siaredni ahoń vialikuju patelniu z antypryharnym pakryćciom i rastapicie ŭ joj trochi aleju razam z kubikam masła. Pratrycie dno patelni toŭstym kavałkam kuchonnaj papiery.
- Vykładzicie na patelniu 4 vialikija łyžki bananavaha ciesta dla aładak na dastatkovaj adlehłaści adna ad adnoj. Smažcie aładki 3 chviliny ci pakul jany nie padnimucca, u cieście nie źjaviacca burbałki i pavierchnia aładak nie stanie suchoj. Pieraharnicie aładki łapatkaj i smažcie ich na inšym baku jašče 2-3 chviliny ci da załacistaha koleru.
- Pierakładzicie aładki na haračatryvałuju talerku i trymajcie ich u razahretaj duchoŭcy, pakul hatujecie astatnija aładki.
- Kali aładki ŭžo hatovyja, viarnicie patelniu na ahoń (u joj pavinna zastavacca masła) i pakładzicie tudy biekon. Smažcie jaho kala 3 chvilin na adnym baku da załacistaha koleru i chrustkaj korački, potym pieraviarnicie i smažcie stolki ž času. Kali biekon pačnie prylipać, dadajcie jašče aleju.
- Vykładzicie aładki na padahretyja talerki i pakładzicie na ich smažany biekon. Trochi apyrskajcie ich źvierchu miodam i padavajcie.
Kamientary