Pa jakich cenach pradajuć kvatery ŭ staličnych novabudoŭlach? Voś dzie samyja tannyja varyjanty
U minułym miesiacy prodažy kvater u stalicy pabili rekord. Najbolš kuplali druhasnaje žyllo, siaredni košt mietra jakoha składaje 1138 $. A za kolki možna kupić kvateru ŭ novabudoŭli? Paraŭnali ceny ŭ roznych ŽK.
Samy tanny «kvadrat» u novabudoŭlach stalicy pradajecca pa 900 dalaraŭ. Heta pačatkovy košt u trochpakajovych i čatyrochpakajovych kvaterach u ŽK «Harmonija» na vulicy Rozy Luksiemburh. Tam budujecca 9-paviarchovy dom na piać padjezdaŭ.
Zavieršyć budaŭnictva płanujuć u druhim kvartale nastupnaha hoda.
Taksama pa cenach, nižejšych za tysiaču dalaraŭ za mietr, pradajuć kvatery ŭ šmatpaviarchovych damach ekanom-kłasa na Karvata. Jak i ŭ papiarednim varyjancie, takaja prapanova — tolki dla trochpakajovych kvater. Cana mietra ŭ dvuškach i adnuškach tradycyjna vyšejšaja i składaje ad 1050 i 1120 dalaraŭ adpaviedna.
Zdača abjektaŭ zapłanavanaja na pieršy kvartał 2023 hoda. U prodažy jość žytło z ahulnaj płoščaj ad 45 da 81,5 m². Adnapakajoŭka ŭ žyłym kompleksie ekanom-kłasa kaštuje kala 50 300$, «trojka» na 81,5 m² — 77 500$.
Pa cenach ad 970 da 1400 dalaraŭ pradajuć kvatery ŭ ŽK «Antonaŭski kvartał» pa vulicy Rybałki. Žyły kompleks z 9 damoŭ znachodzicca ŭ niepasrednaj blizkaści ad stancyi mietro «Praletarskaja». Płošča kvater tut ad 26 da 100 m².
U kompleksie praduhledžanyja zakryty dvor biez mašyn, dziciačaja i spartyŭnaja placoŭki, boksy dla zachoŭvańnia viełasipiedaŭ. Zaviaršeńnie budaŭnictva zapłanavana na druhi kvartał 2023 hoda.
Pa cenach ad 1000 dalaraŭ za mietr pradajecca vialikaja kolkaść kvater u ŽK Minsk World.
Zabudoŭščyk apisvaje kvartał jak najbujniejšy budaŭničy prajekt Biełarusi, jaki naličvaje 3 miljony kvadratnych mietraŭ žylla.
U inšych rajonach stalicy pačatkovaja cana kvadrata zaŭvažna bolš vysokaja.
Tak, naprykład, kvatery ŭ domie pa vuł. Prytyckaha pradajuć pa 1200 dalaraŭ za mietr. Nazvanaja cana dasiažnaja pry ŭmovie poŭnaha raźliku na praciahu siami bankaŭskich dzion paśla rehistracyi damovy ŭ Minharvykankamie.
Uvieści dom u ekspłuatacyju płanujuć u druhim kvartale 2023 hoda. Aproč kvater, zabudoŭščyk prapanuje mašyna-miescy ŭ haražy-stajancy — kaštuje jano amal 10 tysiač dalaraŭ.
Pa canie 1250-1380 dalaraŭ za «kvadrat» možna vybirać z nieraspradanych kvater va ŭžo hatovym 17-paviarchovym domie pa adrasie Hrušaŭskaja, 21.
Praŭda, vybar zastaŭsia nievialiki. Nieraspradanyja tolki trochpakajovyja kvatery płoščaj 71 m².
U canavym dyjapazonie 1580-2000 dalaraŭ za mietr prapanujuć kvatery ŭ ŽK «Manterej». Rajon zabudovy raźmieščany ŭ miežach vulic Ratamskaj, Miastroŭskaj i Ržavieckaj, u rajonie praśpiekta Pieramožcaŭ.
Kompleks uviedzieny ŭ ekspłuatacyju, płošča adnapakajovak — 46,5 m². Samyja vialikija kvatery tut — čatyrochpakajovyja, ich płošča ad 117 da 170 m². Kompleks składajecca z troch 6-paviarchovych damoŭ padvyšanaj kamfortnaści i parkinha na zakrytaj terytoryi.
Pa cenach ad 1400 da 2500$ za mietr možna nabyć žyllo ŭ centry Minska ŭ elitnym ŽK «Maestra». Płošča prapanavanych kvater — ad 50 da 250 m². Elitny dom u pracesie budaŭnictva, uvieści ŭ ekspłuatacyju jaho płanujuć u trecim kvartale 2023 hoda.
Pa padobnych cenych pradajuć kvatery na praśpiekcie Dziaržynskaha ŭ MOD HOUSE. Košt mietra — 1400-2500$.
Płošča dvuchpakajovych kvater tut składaje 54-61 m², trochpakajovych — ad 86 da 96 m², čatyrochpakajovych — ad 117 da 118 m². Taksama ŭ MOD HOUSE jość siamipakajoŭki płoščaj 207,1 m². Jak i ŭ vypadku z ŽK «Maestra», zdača abjekta musić adbycca ŭ trecim kvartale nastupnaha hoda.
U kvartale DEPO kala płoščy Pieramohi košt mietra pačynajecca z adznaki ŭ 3300 dalaraŭ. Samaja tannaja z dasiažnych kvater u elitnym kvartale ŭ centry stalicy pradajecca za 208 876$. Stolki kaštuje dvuchpakajoŭka na 62,8 m².
U zaležnaści ad kankretnaj kvatery mietr u DEPO pradajuć pa 4500 i navat pa 5500$. Najdaražejšaje žyllo ŭ ŽK — piacipakajoŭka płoščaj 222 mietry. Kaštuje jana 1 219 224$. Heta kala 5500 dalaraŭ za «kvadrat».
Davoli šmat žylla ŭ «Novaj Baravoj», što ŭ prystaličnym Kopiščy.
Ceny na mietr žylla ŭ kvartale «Centralny park» startujuć ad 1080 dalaraŭ, kali razhladać čatyrochpakajovyja kvatery. Kvatera płoščaj 80,9 m² u «Novaj Baravoj» abydziecca ŭ 87 280$. Adnapakajoŭki na 42,8 m² kaštujuć 49 644$ abo 1160$ za mietr. Častka kvater u rajonie, što budujecca, pradajecca pa 1300 dalaraŭ za mietr.
Kamientary
A architiektura i zastrojka i v Polšie nie bleŝiet orihinalnosťju, krasotoj i udobstvom.
https://d3kcf2pe5t7rrb.cloudfront.net/303240