U kastryčniku ŭ Minsku zarehistravanyja 1458 uhod kupli-prodažu kvater, što stała rekordam dla hetaha miesiaca za apošnija 10 hadoŭ, piša realt.by.
Za miesiac kolkaść abjaŭ ab prodažy nieruchomaści ŭ stalicy vyrasła na 12%. Rost prapanovy źviazany z aktyŭnaściu ahienctvaŭ nieruchomaści, jakija apieratyŭna dadavali abjavy ab prodažy kvater u novabudoŭlach u Kastryčnickim i Maskoŭskim rajonach.
Struktura popytu nie źmianiłasia ŭ paraŭnańni ź vieraśniem: pałova ŭsich uhodaŭ ździejśnienaja z 1-pakajovymi kvaterami, tracina — z «dvuškami». I tolki 18% — z 3-pakajovymi kvaterami.
U novych damach kvatery kuplali radziej — tolki ŭ 9% vypadkaŭ. Panižany popyt zafiksavany na kvatery ŭ sučasnych karkasnych i panelnych damach.
Siaredniaja cana pradadzienych kvater u kastryčniku znachodziłasia kala adznaki $1301 / kv.m., što adpaviadaje ŭzroŭniu vieraśnia.
Kolki nasamreč ciahnucca pracoŭnyja pajezdki Łukašenki? Cikavyja ličby5
Kamientary