Jak vyhladajuć žoŭtyja birki, jakija viešajuć palityčnym u kałonijach
Na dziaržaŭnym telekanale «Brest» vyjšaŭ videasiužet, dzie pakazali adnaho z palitviaźniaŭ, zatrymanaha ŭ pieršyja dni vajny va Ukrainie. U kadry možna ŭbačyć, jak vyhladaje forma palityčnych.
30-hadovy fizik ź Minska Dzianis Sasunkievič da źniavoleńnia pracavaŭ u dziaržaŭnaj ustanovie, piša «Viasna». Zatrymali jaho 25 sakavika.
Viadoma, što 28 lutaha ŭ centry Minska chłopiec ubačyŭ vajskovuju techniku z paznačeńniem na korpusie V, sfatahrafavaŭ jaje i adpraviŭ u adzin z pratesnych telehram-kanałaŭ.
Suprać Sasunkieviča raspačali kryminalnuju spravu pavodle art. 361-4 Kryminalnaha kodeksa — sadziejničańnie ekstremisckaj dziejnaści. Razhlad jaho spravy adbyŭsia 4 lipienia ŭ Minskim haradskim sudzie. Sudździa Śviatłana Čarapanava asudziła chłopca da dvuch hadoŭ kałonii va ŭmovach ahulnaha režymu.
Palitviazień adbyvaje pakarańnie ŭ Ivacevickaj papraŭčaj kałonii № 22, viadomaj jak «Voŭčyja nory».
Žoŭtaja birka — adznaka, jakuju prydumali ŭ miescach pazbaŭleńnia voli dla asudžanych pa palityčnych artykułach.
Dla viaźniaŭ stvarajuć taksama nievynosnyja ŭmovy na sutkach u IČU. U adździełach milicyi, izalatarach i sudach ich nazyvajuć «kantrolnymi». Litara «K» stavicca i na niekatorych dakumientach zatrymanych. Heta kodavaje słova daje zrazumieć supracoŭnikam sistemy, jak vyrašać los čałavieka.
Kamientary
siońnia raskazvali, jak daznaŭšysia, što žančyna pracuje ŭ turemnaj lakarni, chacieli paspačuvać joj:
- niaprostaja peŭna praca. taki kantynhient...
na što taja:
- vy što. tam usie prystojnyja kulturnyja ludzi
heta było ŭ 2007 hodzie