U Biełaruś prybyli pieršyja ešałony z rasijskimi vajskoŭcami, jakija ŭvachodziać u skład rehijanalnaj hrupoŭki vojskaŭ
Pra heta paviedamiła Minabarony.
Na videa, jakoje vykłała viedamstva, rasijskich vajskoŭcaŭ sustrakajuć z arkiestram i karavajem.
Nahadajem, pra zadziejničańnie rehijanalnaj hrupoŭki Łukašenka zajaviŭ 10 kastryčnika.
«U suviazi z abvastreńniem na zachodnich miežach Sajuznaj dziaržavy my damovilisia ab razhortvańni rehijanalnaj hrupoŭki Rasijskaj Fiederacyi i Respubliki Biełaruś. Heta ŭsio pa našych dakumientach. Kali ŭzrovień pahrozy dasiahaje ciapierašniaha ŭzroŭniu, jak ciapier, my pačynajem zadziejničać hrupoŭku Sajuznaj dziaržavy. Asnova (ja zaŭsiody pra heta kazaŭ) hetaj hrupoŭki — armija, uzbrojenyja ciły Respubliki Biełaruś.
Pavinien vas infarmavać, što farmavańnie hetaj hrupoŭki pačałosia. Jano idzie ŭžo, pa-mojmu, na praciahu dvuch dzion. Addadzienaje było majo rasparadžeńnie, kab my prystupili da farmavańnia hetaj hrupoŭki», — cytavała Łukašenku BiełTA.
Pa słovach namieśnika načalnika Hienštaba Uzbrojenych siłaŭ Biełarusi pa navukovaj pracy pałkoŭnika Viktara Tumara, asnovu rehijanalnaj hrupoŭki składuć «Uzbrojenyja siły Biełarusi pa štacie mirnaha času, a taksama asobnyja vajskovyja farmavańni Rasijskaj Fiederacyi». Kolkaść rasijskich vajskoŭcaŭ, jakija pryjeduć, nie nazyvałasia.
Krynicy «Našaj Nivy» paviedamlajuć pra toje, što pryniata rašeńnie ab «schavanaj mabilizacyi» dla daŭkamplektacyi bajavych čaściej. Jana budzie iści pad vyhladam pravierki bajazdolnaści. Na pieršym etapie jana nie budzie zakranać vialikija harady, mabilizoŭvać buduć najpierš sielskaje nasielnictva.
Krynicy: Rašeńnie ab mabilizacyi ŭ Biełarusi pryniataje. Jana projdzie pad vyhladam pravierki bajazdolnaści
Krynicy: Biełaruskim vajskoŭcam zabaranili vyjezd za miažu. Možna tolki ŭ Rasiju. Aficeram zapasu prapanujuć viartacca na słužbu
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2828
Kamientary