Jak pryhatavać idealnuju makaronu? Voś praviły, jakimi kirujecca kožny italjaniec
Jaje lubiać i za sytnaść, i za prastatu. Tolki nie rabicie hetych pamyłak pry hatavańni.
Jakaść samoj makarony
Navat kali vy budziecie prytrymlivacca ŭsich paradaŭ pa hatavańni pasty i kupicie makaronu nizkaj jakaści, to nikoli nie atrymajecca smačna.
Typ makarony
Vy kali-niebudź kaštavali karbanaru z tonkaj pastaj? Pryčyna prostaja. Dla ciažkich sousaŭ patrebnyja taŭściejšyja makarony, a dla lohkich — tonkija. Hetaha praviła italjancy trymajucca šmat stahodździaŭ.
Vada
Dla idealnaj pasty patrebnaja pravilnaja kolkaść vady — heta prykładna adzin litr vady na 100 hramaŭ makarony.
Dadać alej u vadu — drennaja ideja
Napeŭna kožny z nas čuŭ ad babuli, ciotki ci siabroŭki, što ŭ kipień treba dadać niekalki kropiel aliŭkavaha aleju. Byccam by heta nie daje makaronie źlipnucca. Ale tak rabić nie varta, bo heta nie dapamahaje i dakładna nie palapšaje smak.
Čas hatavańnia
Čytajcie instrukcyi na ŭpakoŭcy. Zaŭsiody praviercie makaronu da pracedžvańnia — jana musić być «al dente» — jašče ćviordaja, ale ŭžo hatovaja.
Nie pramyvajcie makarony paśla hatavańnia
Jašče adna pamyłka — kali makaronu pramyvajuć chałodnaj pratočnaj vadoj. U hetym vypadku hublajecca smak, a taksama kruchmał, nieabchodny dla taho, kab makarona złučyłasia z padliŭkaj ci sousam.
Ličby, ad jakich strašna. Bolš za 280 tysiač biełarusaŭ atrymali dazvoły na žyćcio ŭ ES u 2023. Bolš tolki va ŭkraincaŭ32
Kamientary
voś ža žućcio nastała, džentlmieny, ha? idealnaj makaronie paradavacca nie možaš biez taho, kab nie zanudzicca