Hramadstva3737

Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje

Čornaja kniha Biełarusi — inicyjatyva pa apubličvańni danych tych, chto datyčny da represij. Za pieradaču źviestak joj zatrymali niamała ludziej. Vyjaviłasia, dzieviać miesiacaŭ tam pracavaŭ hubazikaviec — u niejki čas jamu navat davieryli kiravać inicyjatyvaj. Tryvožnyja zvanočki byli amal adrazu, jak źjaviŭsia hety Artur, adnak na ich zapluščvali vočy. Historyju ahienta raskazaŭ Biełsat.

Supracoŭnik HUBAZiKa Artur Hajko byŭ ukarenieny ŭ «Čornuju knihu Biełarusi»

U vieraśni 2020 hoda novastvoranaja «Čornaja kniha Biełarusi» źbirała ludziej ŭ kamandu, dla pošuku i pravierki asabistych źviestak siłavikoŭ. Adnym z novych supracoŭnikaŭ staŭ Artur — jaho tvar pry pryjomie ŭ kamandu nichto nie bačyŭ, nie viedali i sapraŭdnaje proźvišča.

Jon staŭ adkazvać za biaśpieku — praviarać fajły, jakija prychodziać, prabivać ludziej pa bazach.

Praź miesiac z momantu prychodu Arturu davieryli vieści pierapisku z važnymi infarmatarami «Čornaj knihi». Paralelna jon praviaraŭ proźviščy siłavikoŭ — nibyta praz bankaŭskuju sistemu, u jakoj pracuje. Adnojčy na pravierku trapiła i jaho ŭłasnaje imia — ale Artur skazaŭ, što takoha čałavieka ŭ orhanach niama.

Hubazikaviec nie prajšoŭ poŭnaj pravierki i byŭ adzinym udzielnikam kamandy, chto zastavaŭsia ŭ Biełarusi, — niahledziačy na heta, adzin z kaardynataraŭ ČKB daŭ jamu dostup da čat-bota.

Vieryfikacyju Artura pravodziŭ Daniła Bahdanovič, jaki tady byŭ kaardynataram ahienctva «Infapojnt». Jon kaža, što novy supracoŭnik źliŭ kamandzie proźviščy hubazikaŭcaŭ — dla Bahdanoviča heta byŭ dokaz supracy.

U kastryčniku 2020-ha Artura dadali ŭ zakryty čat z usimi supracoŭnikami ČKB. Jon daviedaŭsia sapraŭdnyja proźviščy niekatorych čalcoŭ kamandy.

Mienš čym praz dva tydni paśla hetaha ŭ Minsku aryštavali supracoŭnika bujnoj kamunikacyjnaj firmy — važnaha infarmatara ČKB. Niejki čas pierad hetym jon byŭ na suviazi z dvuma siabrami ČKB, adzin ź jakich — Artur. Druhi supracoŭnik padniaŭ tryvohu, prainfarmavaŭ pra situacyju Daniłu Bahdanoviča. Ale toj nie pavieryŭ — arhumientam było toje, što Artur dapamoh uciačy ź Biełarusi niekalkim asobam, praviaraje siłavikoŭ u bankaŭskich bazach. Toje, što ni pašparta, ni tvaru Artura nie bačyli, nie brałasia ŭ raźlik.

Jašče praź miesiac zatrymali druhoha kaštoŭnaha infarmatara ČKB. Ale Artur znoŭ uniknuŭ padazreńniaŭ, bo jaho samoha ličyli kaštoŭnym infarmataram.

Ale ŭ niekatorych kaleh padazreńni zastalisia.

Paźniej u «Kibierpartyzanaŭ» źjaviłasia pieršaja viersija bazy hramadzian Biełarusi, dzie byli tolki imiony, adrasy i miescy pracy, biez fota. Pra Artura adzin z kaleh viedaŭ abryvačnyja danyja, ale pamiataŭ, što toj ź Viciebska. U bazu uviali imia, horad i MUS jak miesca pracy — vydała supracoŭnika HUBAZiKa Artura Hajko. Ale ž Arturaŭ u abłasnym centry moža być šmat…

U sakaviku 2021 hoda ŭ kaardynatarki ČKB Janiny Sazanovič znoŭ źjavilisia padazreńni. Ale Hajko sprabavaŭ pierakanać kamandu, što heta Janina i jość ahient.

U krasaviku Hajko ŭznačaliŭ ČKB i adkazvaŭ za pytańni biaśpieki ŭ ahienctvie «Infapojnt».

U kancy maja zdaryŭsia vialiki prakoł. Siłavik skinuŭ kalehu, jaki ŭvieś čas jaho padazravaŭ, skrynšot hrupavoj razmovy z zumu, i adziny Artur, jaki tam byŭ, mieŭ proźvišča Hajko. Hubazikaviec patelefanavaŭ adrazu hetamu kalehu, kab pierakanać, što heta nie jon. A toj, stomleny tym, što nichto nie vieryć jaho padazreńniam i ličyć jaho paranoikam, nie raskazaŭ pra vykryvalny fakt astatniaj kamandzie.

Praz paru dzion, 23 maja, sadžajuć samalot Ryanair, na borcie jakoha Safija Sapieha i Raman Pratasievič. Paźniej akažacca, što Hajko byŭ siarod tych, chto sustrakaŭ ich paśla prymusovaj pasadki ŭ minskim aeraporcie. «Kibierpartyzany» vykłali taksama telefonnyja razmovy Artura ź inšym siłavikom, što paćviardžała, što jon byŭ siarod tych, chto zdymaŭ Sapiehu i Pratasieviča z samalota.

Budučy kiraŭnikom ČKB, hubazikaviec sprabavaŭ pierakanać kamandu, što publikacyja adrasoŭ dziejnych siłavikoŭ — kiepskaja ideja. Maŭlaŭ, jon zrabiŭ daśledavańnie i vyśvietliŭ, što heta nie maje patrebnaha efiektu.

Tym časam u Minsku pa padazreńni ŭ supracy z ČKB praciahvali aryštoŭvać ludziej. SK zajaviŭ, što pa hetaj spravie zatrymaŭ kala 20 čałaviek. Ale pa ich viersii, tych, chto źlivaŭ źviestki, jany vyjavili praz analiz techniki Safii Sapiehi.

Hajko, kab advieści ad siabie padazreńni, skazaŭ, što na adnym z dopytaŭ Pratasievič nazvaŭ jaho imia i jamu treba terminova vyjechać ź Biełarusi. Jon napisaŭ pra adjezd niekalkim asobam z ČKB, a praz 4 hadziny dasłaŭ videa nibyta z Kijeva.

U Sazanovič uźnikli pytańni — zanadta mała času prajšło, kab dajechać da Kijeva, avijarejsaŭ u hety pramiežak času nie było. Kamanda vyrašyła vieryfikavać Artura praz sustreču ź im va Ukrainie, damovilisia pra datu. Za dzień da hetaha jon pierastaŭ vychodzić na suviaź. Ale jaho žonka napisała Daniłu Bahdanoviču: nibyta Artura zatrymali siłaviki Ukrainy — na viasielli svajakoŭ pabiŭsia «za Biełaruś». Bahdanoviča prosiać zapytać, u jakoje ž adździaleńnie dastavili Artura, ale toj tak i nie vyśvietliŭ heta.

Paśla pa nastajańni kamandy jon patelefanavaŭ Arturu pa videasuviazi i zrabiŭ skrynšot. Fota supała z partretam hubazikaŭca.

Artur nazyvaŭsia proźviščam Barojeŭ, dakumienty nie pakazvaŭ nibyta z pytańniaŭ biaśpieki. Akazałasia, što na padstaŭnoje proźvišča jamu navat vydali pašpart, ale ŭ sistemie «Kibierpartyzanaŭ» bačna, što hety Barojeŭ uźnik ź niadkul — niama papiaredniaj historyi dakumientaŭ, charakternaj dla realnych asobaŭ.

Cikava, što navat paśla raskryćcia Hajko da niadaŭniaha času listavaŭsia ź niekatorymi ŭdzielnikami kamandy ČKB, naprykład, Bahdanovičam. Iranična, što svajho pieršynca Hajko nazvaŭ Daniiłam.

Pa infarmacyi «Bajpoła», za praniknieńnie ŭ kamandu ČKB Hajko atrymaŭ pavyšeńnie — u sakaviku 2021-ha jamu prysvoili zvańnie kapitana milicyi.

Kamientary37

  • Barsuk
    04.10.2022
    Z-za taho, što ŭ radach pratestu apynułasia šmat takich pratest i źliŭsia
  • Bondar
    04.10.2022
    Nu voś i adkaz čamu ŭsie pravaliłasia ŭ nievierahodnych, tam takich ahientaŭ bahata. I viadoma taja ž pryčyna aryštaŭ za bot "pieramoha". Śpiecsłužby ŭžo sapraŭdy ŭsie pra ŭsich tam viedajuć, tamu nijakaj pieramohi ŭ nievierahodnych užo nia budzie.
  • Piecia
    04.10.2022
    H..n.

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →