Rasijskaja vajennaja mašyna nie funkcyjanuje tak, jak chaciełasia b Uładzimiru Pucinu. Ciapier Kreml adčajna šukaje mahčymaść schilić šali ŭ vajnie na svaju karyść. Isnujuć dva scenaryi. I ŭ pieršym, i ŭ druhim mnohaje zaležyć ad dziejańniaŭ Hiermanii, piša niamieckaje vydańnie Die Welt.
Kali b Hiermanija pastaŭlała ciažkaje ŭzbrajeńnie va Ukrainu z 2014 hoda, ci chacia b ź lipienia 2021 hoda, abo navat z 24 lutaha 2022 hoda, Rasiju daŭno b strymali, pišuć niamieckija žurnalisty.
Kali Hiermanija pračniecca?
Strach pierad rasijskaj eskałacyjaj, prymat ekanamičnych intaresaŭ i ŭpeŭnienaść u tym, što paradak i mir u Jeŭropie mohuć być dasiahnutyja tolki ŭ supracoŭnictvie z Rasijaj, praciahvajuć spryjać łajalnamu staŭleńniu da pucinskaj ahresii. Chacia niamieckija palityki bolš nie majuć iluzij nakont Rasii, ich reakcyja zastajecca nievyraznaj.
Hiermanija pavinna ŭziać na siabie inicyjatyvu, chutka pastaŭlajučy tanki, navučajučy ŭkrainskich sałdat, uvioŭšy zony biaśpieki i praśledujučy vajennych złačyncaŭ. Pavodziny ŭ hetaj vajnie vyznačać budučy status Hiermanii, ličać niamieckija žurnalisty.
Što budzie ŭ 2023 hodzie?
Albo Zachad budzie palityčna i ekanamična źniasileny da leta 2023 hoda, damaŭlajučysia ab pryznańni vajennaha status-kvo na ŭmovach Pucina, albo Pucin budzie prycisnuty da ściany. Jon moža być nastolki paralizavany ŭ vajennym, ekanamičnym, palityčnym i psichałahičnym płanie, što jamu daviadziecca vybirać pamiž pieramohaj va Ukrainie abo zachavańniem svajho režymu ŭnutry krainy.
Tym časam Hiermanija nie choča być uciahnutaj u vajnu, nie choča, kab jaje šantažavali. Kraina choča kantralavać hłabalnyja nastupstvy vajny i nie choča destabilizavać Rasiju.
Ale jakoha paślavajennaha paradku, jakoha miru choča damahčysia niamiecki ŭrad? Ci Ukraina i Rasija pavinny pieramahčy adnačasova?
Nielha čakać, što Rasija źmirycca sa svaim «Viersalskim sindromam». Voś niekalki mahčymych scenaryjaŭ.
Pieršy scenaryj: razhrom Ukrainy
Pry takim raskładzie Ukraina prajhraje. Rasija praciahnie nahniatać: jadziernaja zbroja, radyjeaktyŭnaje zaražeńnie, masavaja emihracyja, sistematyčnaje razbureńnie infrastruktury, režym teraryzmu na akupavanych terytoryjach, spynieńnie pastavak hazu i hoład u Afrycy, — voś jakoj budzie jaje zbroja.
Adnym słovam, toj, chto imkniecca da ŭhody z Pucinym za košt prava na samavyznačeńnie Ukrainy, Polščy, Bałtyi, Małdovy ci Hruzii, tolki pavialičvaje imaviernaść eskałacyi vajny.
Scenaryj druhi: paražeńnie Rasii
Rasijskaja vajennaja mašyna ŭžo paškodžanaja. Stratehičnaje vykarystańnie resursaŭ, vysokadakładnaja zbroja vialikaj dalokaści, spynieńnie pastavak, partyzanskaja vajna, kibierataki i sankcyi, — heta ŭsio zbroja Ukrainy.
Ideja ab źmianšeńni łajalnaści rasijan da Pucina moža zdavacca iluzornaj, ale hetaha nielha vyklučać całkam. Naviny pra apošni ŭkrainski kontrnastup užo prasočvajucca ŭ rasijskija papahandysckija ŚMI. Niadaŭna navat kiraŭnik Čačni Ramzan Kadyraŭ vystupiŭ z rezkaj krytykaj rasijskaha vajskovaha kamandavańnia.
U Pieciarburhu niekalki miascovych deputataŭ chočuć abvinavacić Pucina ŭ dziaržaŭnaj zdradzie i patrabujuć jaho adstaŭki. Mahčyma, heta i jość pieršyja raskoliny ŭ manalitnym režymie.
Krytyka idzie ad prychilnikaŭ Pucina, a nie ad apazicyi, jakaja ŭžo znachodzicca ŭ turmie abo ŭ vyhnańni. Tysiačy navukoŭcaŭ, žurnalistaŭ, prahramistaŭ i inžynieraŭ pakidajuć krainu. Vajna va Ukrainie moža aznačać kaniec režymu.
Słabaść Pucina adčuvajuć navat partniory Rasii, u tym liku Turcyja, Iran, Kitaj, Saudaŭskaja Aravija, krainy Centralnaj Azii i Jehipiet. Rasijskamu prezidentu ciapier navat davodzicca damahacca pastavak zbroi ŭ Irana i Paŭnočnaj Karei. U rasijskich vajskoŭcaŭ jość zapasy zbroi i bojeprypasaŭ, ale ślapoje padparadkavańnie kamandziru važniejšaje za pośpiech vajennaj apieracyi. Achilesava piata ruskaj armii — jaje žorstkaja ijerarchija.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im5
Kamientary