Premjer-ministarka Finlandyi Sana Maryn zdała test na narkotyki, i vynik jaho akazaŭsia admoŭnym. Pra heta paviedamiła pres-słužba ŭrada Finlandyi. Zdać test jaje zaklikali paśla taho, jak u sacyjalnych sietkach źjaviłasia videa ź viečarynki, na jakoj premjerka śpiavała i tancavała razam ź finskimi znakamitaściami.
Sana Maryn. Fota: AP Photo / John Thys, Pool
Maryn zajaviła, što padčas śviata jana piła tolki lohkija ałkaholnyja napoi, ale nie ŭžyvała narkotykaŭ i nie bačyła, što heta robiać inšyja. Jana vykazała škadavańnie z-za taho, što heta videa źjaviłasia ŭ publičnaj prastory, ale zajaviła, što nie ličyć patrebnym mianiać svaje pavodziny, bo zajmałasia «zakonnymi rečami».
Adznačajecca, što Maryn apłaciła praviadzieńnie daśledavańnia sama, z ułasnaj kišeni.
Kamientary