Ludzi, a taksama niekatoryja žyvioły nakštałt sabak i ptušak mohuć bačyć sny. Jak akazałasia, hetaja ž jakaść moža być ułaścivaja i pavukam.
Novaja praca amierykanskich navukoŭcaŭ śviedčyć, što padčas snu ŭ pavukoŭ nazirajucca chutkija ruchi vačej. Heta prykmieta fazy snu, padčas jakoj, jak miarkujuć, u mozhu ŭtvarajucca sny, piša Wall Street Journal.
Navukoŭcy vyvučyli infračyrvonyja videazapisy taho, jak śpiać dziasiatki pavukoŭ-skakunoŭ. Hetyja členistanohija padčas snu zvyčajna visiać uniz hałavoj na šaŭkovaj nitcy, a ŭdzień zachoplivajuć achviar z dapamohaj vostraha zroku i zdolnaści skakać.
Na videa było bačna, što pavuki pieryjadyčna tuzalisia i zhinali nohi. U hety ž čas elemienty ich vačej bieź viekaŭ chutka ruchalisia, što charakterna dla fazy chutkaha snu. Takaja źjava nazirałasia ŭ pavukoŭ kožnyja 15-20 chvilin i praciahvałasia 90 siekund.
Poł Šou, nieŭrołah z Vašynhtonskaha ŭniviersiteta, tłumačyć, što kali ŭ pavukoŭ nazirajecca faza chutkaha snu, heta pakazvaje, što takaja faza snu — adpaviedna, i sama mahčymaść bačyć sny — źjaviłasia ŭ žyvioł zusim u inšy čas, čym raniej ličyli navukoŭcy. U takim vypadku vychodzić, što sny mohuć bačyć bolš bijałahičnych vidaŭ, čym mierkavałasia.
U čałavieka faza chutkaha snu pačynajecca prykładna praz 90 chvilin paśla zasypańnia i pieryjadyčna paŭtarajecca da momantu, kali čałaviek pračynajecca. U hety čas pavialičvajecca aktyŭnaść mozhu, i mienavita tady čałaviek bačyć sny. U niekatorych žyvioł nakštałt karakacic, prymataŭ, sabak i ptušak taksama nazirali prykmiety fazy chutkaha snu, i ŭ niekatorych vypadkach navat atrymałasia zarehistravać pavieličeńnie aktyŭnaści mozhu. Heta daje padstavy ličyć, što žyvioły taksama bačać sny.
U jakoj pozie my śpim? Heta maje vializnaje značeńnie
Jak zasnuć u haračaje nadvorje? Piać parad, jakija vyratujuć nie adnu noč
Niekatorym ludziam chapaje čatyroch hadzin snu. Jak tak?
-
Pakaleńnie Beta: dzieci 2025 hoda źmieniać śviet bolš, čym my možam ujavić
-
ŠI-ahienty zamieniać prahramy: hiendyrektar Microsoft pradkazvaje revalucyju ŭ karystańni kampjutarami
-
Ad braniravańnia pajezdak da ździajśnieńnia navukovych adkryćciaŭ. Nieŭzabavie moža źjavicca novaja madel štučnaha intelektu
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary
śmiešnyja ( jany ničoha nie viedajuć pra čałaviečy mozh i son, ale zatoje viedajuć užo pra son pavukoŭ