Mikita Mikada raskazaŭ, jak PandaDoc syšoŭ z PVT, i nazvaŭ kampanii, jakija istotna źmianili IT u Biełarusi
Mikita Mikada daŭ intervju jutub-kanału «Žyćcio-malina» Mikity Miełkaziorava. Tam jon raskazaŭ, jak stavicca da Viktara Prakapieni i ŭ čym krutaść biełaruskaj IT-supołki.
Fota: skryn ź jutub-kanała «Žyćcio-malina»
Maŭčańnie, biełaruskaje IT i Prakapienia
«Razumieju kaleh, jakija maŭčali. Razumieju, čamu taja ci inšaja kampanija dziejničaje jakim-niebudź sposabam, razumieju, jakija ŭ ich jość kaštoŭnaści i jak heta ŭsio ŭzajemazłučana. Sudzić kahości za toje, što adzin zrabiŭ mała, a druhi bolš — heta niaŭdziačnaja sprava. Sudzić ludziej treba za toje, kali jany **rniu niejkuju robiać.
Maŭčańnie zaležyć ad kantekstu. Kali čałaviek naciskaje na knopku, lacić rakieta i ŭzryvajecca ŭ centry horada — voś za heta jaho treba sudzić. Kali čałaviek maŭčyć, bo jaho baćkam, svajakam pahražajuć, to heta zusim inšaja historyja», — kaža Mikita Mikada.
Jakaja rola Prakapieni ŭ historyi biełaruskaha IT?
(Viktara Prakapieniu zatrymali ŭ sakaviku 2015-ha. Biznesmien pravioŭ 9 miesiacaŭ u minskim SIZA. Jaho abvinavacili ŭ niezakonnaj pradprymalnickaj dziejnaści. Paźniej SK paviedamiŭ, što Prakapienia vyjšaŭ na volu paśla taho, jak poŭnaściu kampiensavaŭ naniesienuju škodu pamieram 650 000 dalaraŭ).
«Nie chaču sudzić ludziej. U 2017 i 2018-m byŭ zusim inšy kantekst, ź Biełarusi nie zapuskali rakiety va Ukrainu. Ja nie dumaju, što Viktar Prakapienia pajechaŭ by zaraz u Biełaruś, kab rabić PVT 3.0», — kaža jon.
I Mikita Mikada, i Viktar Prakapienia pa-roznamu paciarpieli ad režymu. Apošni ž prezientavaŭ Łukašenku PVT.
«Napeŭna, ja b tak nie zdoleŭ. Ale ja nie viedaju matyvacyju, jakaja ŭ jaho była. Moža być, čałaviek vyrašyŭ, što industryja ci budučynia krainy važniejšaja, čym šeść miesiacaŭ u turmie, jakija jon pravioŭ. Nie viedaju, tamu nie sudžu.
Ź biahučym kantekstam dla raźvićcia haliny heta biessensoŭna. Ciapier zrazumieła, što ŭsie tyja starańni, jakija byli zrobleny tysiačami ludziej, byli źniščany. Choć ź inšaha boku, ludzi pracavali, vučylisia, ciapier raźjechalisia pa inšych krainach, ale ŭ ich jość navyki, viedy. Jany mohuć realizavać siabie niedzie ŭ śviecie.
Inviestycyi ŭ industryju, jakija byli da 2020 hoda, važniejšyja za tyja emocyi, jakija my možam adčuvać hledziačy na toje, jak Viktar niešta z ukazkaj pakazvaje Łukašenku», — raskazvaje jon.
U novaj Biełarusi ci moh by Mikada adkazvać za Ministerstva ličbavizacyi?
«Jak u palityka ŭ mianie jość zanadta vialiki kasiak. Mnie vielmi padabajecca stvarać, budavać, ale nienavidžu dzialić. Musić, nie chacieŭ by zajmacca voś takoj dziaržaŭnaj dziejnaściu», — adkazvaje jon.
Pieramovy z terarystami, Kuŭšynaŭ i «sabaka breša — viecier nosić»
Ajcišnik zhadvaje, što adčuvaŭ, paśla taho jak u 2020-m spyniŭ prajekt dapamohi byłym siłavikam u spadzievie, što supracoŭnikaŭ PandaDoc vypuściać, ale na volu vyjšli troje z čatyroch.
«Z terarystami nie damovišsia. Heta nie biznes. Faktaraŭ, jakija mahli na niešta paŭpłyvać, vielmi doŭhi śpis. Kali Viciu [Kuŭšynava] nie vypuścili, ja adčuŭ horyč, strach za čałavieka. Nie viedaješ, kolki jaho tam buduć trymać.
Saša, žonka Vici, — supieržančyna, a Vicia — supiermužčyna. Jon trymaŭsia małajcom. Nie pieršy raz, kali Viciu sadzili ŭ turmu», — raskazvaje Mikita.
(Viktara Kuŭšynava zatrymali 12 lipienia 2020-ha, kali sotni minčan sabralisia kala CVK, kab abskardzić admovu ŭ rehistracyi dvuch pretendentaŭ na prezidencki post — Viktara Babaryki i Valeryja Capkały. Kuŭšynaŭ byŭ aryštavany na 11 sutak.)
«Kali jon vyjšaŭ, ja nie pamiataju, kab my razmaŭlali pra palityku. Jaho hramadskaja dziejnaść była asabista jaho, jon maje prava na jaje. Ja nie skazaŭ jamu z hetym zakančvać, tamu što nie suadnosiłasia b z tymi kaštoŭnaściami, jakija jość u mianie i partnioraŭ pa biznesie.
Viadoma, było pačućcio viny, ustavaŭ u 4 ranicy i rabiŭ pracu da nočy. Adpuściła, kali Viktar vyjšaŭ», — kaža jon.
Jak PandaDoc syšoŭ z PVT
3 lutaha 2022 hoda biełaruskaja jurydyčnaja asoba PandaDoc była vyklučanaja ź dziaržaŭnaha rejestra.
«Jość pastaŭščyki, jakija zakryvajuć kampanii. My ich naniali, jany heta zrabili, — raskazvaje Mikita. —
Niemahčyma vieści inavacyjny biznes u krainie, u jakoj tvaich supracoŭnikaŭ mohuć u luby momant uziać u zakładniki.
Rašeńnie było ciažkaje, da 2020-ha staralisia i inviestaraŭ svaich u Biełaruś pryvozić, i markietynh naładžvali. Naiŭna, ale my rabili. Chaciełasia, kab Biełaruś, jak Sinhapur, pavolna, ale dakładna mianiałasia i stanaviłasia inavacyjnaj krainaj.
Z Parkam my asabliva nie majem znosiny, jany nijak nie reahavali na naš sychod. Z 2020-ha ja nie dumaju, što luboj biełaruskaj aficyjnaj ustanovie było dobra z nami mieć znosiny».
Što tak i što nie tak z PVT
Ci praŭda, što PVT — sapraŭdy suśvietnaja źjava ŭ IT?
«Ludzi dziviacca tamu, što vyrasła niejkaja paralelnaja realnaść. U kolkasnych suadnosinach biełarusaŭ vielmi mała ŭ paraŭnańni z tymi ž indusami. Chacia ŭ [Kremnijevaj] dalinie biełarusaŭ žyvie vielmi šmat. Musić, tam ich stolki ž, kolki i ŭkraincaŭ, i rasijan. Dumaju, što heta jakasny pakazčyk: ludzi žyvuć tam z-za ajciški.
PVT — heta padatkovy režym, jaki adroźnivajecca ad ahulnabiełaruskaha. Dla taho, kab raźvivać aŭtsorsinh u Biełarusi, heta było vielmi nieabchodna. U aŭtsorsinhu maržynalnaść luboha biznesu nie takaja vialikaja. Takuju kampaniju, jak naša, było b ciažka pabudavać, kali b nie było vialikaj kolkaści talenavitych ludziej», — adkazvaje jon.
«Hladžu nazad i razumieju, što my byli maładyja i naiŭnyja, — kaža Mikita. — Značnaj častki biełaruskaj historyi z 1991 pa 2020 hod ja prosta nie viedaŭ. Vielmi składana rabić inavacyjnyja rečy ŭ asiarodździ, u jakim ludzi niesvabodnyja. Kali nie niemahčyma. I da 2020-ha była niejkaja kamiera, kraty, prosta krychu valniej».
U čym krutaść biełaruskaj IT-supołki?
«Šmat ludziej, jakija vučacca, raźvivajuć, dapamahajuć adno adnamu. Častka ź ich da hetaha času sprabuje pracavać u Biełarusi, staŭlusia da hetaha jak da ich vybaru», — raskazvaje jon.
Zisier, EPAM, Hurskija
U čym vielič Zisiera?
«Juryj zrabiŭ vialikuju spravu dla hramadstva.
Pamiataju, što heta była maja pieršaja paštovaja skrynia, karystaŭsia joj doŭha. Kłasny prajekt TUT.BY.
My byli znajomyja. Jon pryjemny, ścipły, vielmi razumny čałaviek», — uspaminaje Mikada.
Jon razvažaje, chto zrabiŭ značny ŭkład u krainu.
«Kampanija EPAM, zasnavalniki istotna źmianili IT u Biełarusi. Ich łabaratoryi byli pry ŭniviersitetach, ja ŭ adnoj z takich navat vučyŭsia. Dziakujučy EPAM jašče niejkija aŭtsorsinhavyja kampanii źjavilisia. Hurskija taksama».
Top suśvietnych pradprymalnikaŭ Mikity Mikady vyhladaje tak:
«Iłan Mask — kumir. Čałaviek umieje znachodzić nišy industryi i cikavyja kamandy. Biezas, Amazon, nievierahodna składana z usich hetych składoŭ rassyłać niejkija rečy. I Najki».
Čytajcie taksama:
Himnast z «Dziu Salej» Siamion Bukin pierajšoŭ na biełaruskuju i daŭ intervju — pra cyrk, rodnuju movu i sport
U Mazyry źjavicca dziasiatak histaryčna-falkłornych hrafici — pahladzicie na pieršyja malunki, što ŭžo ŭpryhožyli horad
Fiederer, Ranałdu, Ibrahimavič. Voś jak vialikija spartoŭcy, starejšyja za 30, zachoŭvajuć formu
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary