«Leta ŭ hałavie, praca — u rečaisnaści». Plažnyja foty biełaruskich sielebryci
Letniaje soniejka šturchaje biełaruskich zorak navat u ščylnym hrafiku pracy šukać akienca dla adpačynku. Supraćstajać spakusie niemahčyma. «Naša Niva» źviartaje ŭvahu na samyja efiektnyja kadry ź plažaŭ dy ŭźbiarežžaŭ.
Alena Leŭčanka
Słavutaja ajčynnaja baskietbalistka pakul nie vyrašyła, praciahnie karjeru albo paviesić krasoŭki na ćvik. Ciapier spartoŭka ŭ Hrecyi. Tam hamialčanka nie tolki zahojvaje dušeŭnyja rany dy adnaŭlaje ŭnutrany bałans, ale i dzielicca z čytačami refleksijami adnosna ŭnutranaha stanu, adjezdu ź Biełarusi dy ŭspryniaćcia siabie jak asoby.
«Być mocnaj, zmahacca dy pieraadolvać — heta historyja majho žyćcia. I, padavałasia, tut taksama ja pavinna była adužać. Adnak u peŭny momant zrazumieła, što žyć u čakańni dy być «mocnaj» mianie vymotvaje. U niejki momant ja zrazumieła: tolki ja jość u siabie. I apošnija paŭtara miesiacy ja vydatkavała vyklučna na heta. Heta samaje lepšaje rašeńnie, jakoje prymała», — adznačyła Alena.
Aryna Sabalenka
Pieršaja rakietka Biełarusi mahła b zaraz abaraniać honar krainy na Uimbłdonie. Adnak suśvietny spartovy ban vykraśliŭ minčanku sa śpisu ŭdzielnic turniru Vialikaha Šlema. Tamu spartsmienka pryśviaciła volnyja tydni adpačynku — i nakiravałasia ŭ Majami, dzie bavić čas z bojfrendam, Kanstancinam Kalcovym.
U ZŠA im padabajecca.Padpisanty praŭładnaha lista łaščacca pad soniejkam, vandrujuć pa plažach dy chvalacca ekzatyčnymi palmavymi łukami.
Uvohule, nie skazać, što Sabalenka sumuje pa tenisie albo pilna sočyć za padziejami ŭ Vialikabrytanii.
Mielicina Staniuta
Jak padajecca, viadomaja himnastka amal nie robić paŭz u pracy. Vandroŭki-spatkańni sa znakamitymi miescami atrymlivajucca mimalotnymi. Kali ž biełaruska i traplaje na plaž, to ŭsio roŭna prydumvaje niešta, kab nie hublać čas darma na piasočku biez spravy. Voś i ciapier čaroŭnaja Mielicina sumiaściła pramienady pa ŭźbiarežžy sa zdymkami ŭ proma-roliku.
«Leta ŭ hałavie, praca — u rečaisnaści», — paznačyła Staniuta čarhovy prypynak va ŭłasnym hrafiku. Dy ŭpryhožyła jaho videa.
Volha Havarcova
Jašče adna ajčynnaja tenisistka našmat radziej za Sabalenku traplaje ŭ stužki spartyŭnych navin. Adnak instahram abnaŭlaje tak ža sprytna, jak i suajčyńnica. Jarkich zdymkaŭ u dziaŭčyny, što prapisałasia ŭ Majami, chapiła b na ceły albom.
Marharyta Laŭčuk
Viadomaja opiernaja śpiavačka vypraviłasia na hastroli ŭ ZŠA. Ciaham lipienia jana daść 10 kancertaŭ jak na ŭschodzie, tak i na zachadzie Štataŭ.
Ale pierad tym jak całkam akunucca ŭ muzyčny suśviet, Marho ŭščylnuju paznajomiłasia z akijanam dy pieradała pryvitańnie suajčyńnikam
NaviBand
Arciom dy Ksienija apynulisia ŭ Ispanii, dzie zładzili kancert dla ziemlakoŭ na Majorcy. A kab kryšku źniać napružańnie pierad imprezaj, naviedali miascovy plaž.
Dla tych, kamu nie daviałosia patrapić na vystup, NaviBand zapisali «žyvoje» vitańnie — u akustyčnym, navat, skažam, maksimalna aholenym hučańni.
Viera Karetnikava
Byłaja televiadučaja pierajechała na Paŭnočny Kipr. Žyvučy ŭ ciopłym klimacie kala mora, Karetnikava časta dzielicca zdymkami ź plaža. Jana amatarka trenirovak i znachodzicca ŭ cudoŭnaj fizičnaj formie.
«Niachaj lepš budzie za śpinaj šmat hłupstvaŭ, čym choć adna podłaść», — padpisała zorka zdymak u mora.
Kamientary