«Sprava traŭmatołahaŭ»: ludzi pradajuć kvatery i damy, kab raźličycca sa śledstvam pa dziesiacikratnym mulciplikatary
Praciahvajecca dramatyčnaje raźvićcio «spravy traŭmatołahaŭ», u ramkach jakoj KDB kašmaryła artapiedaŭ pa ŭsioj respublicy. Paśla zastupnictva Pinieviča i daručeńnia Łukašenki «uziać na paruki» zatrymanych tym vystavili drakonaŭskija ŭmovy vychadu. Častka zastajecca ŭ izalatarach, častka vymušana pradavać majomaść, kab raźličycca.
Čytajcie taksama: «Sprava traŭmatołahaŭ»: ludziej nie vypuskajuć praz 10 sutak, stali viadomyja detali abvinavačvańnia
Jak viadoma «Našaj Nivie», abvinavačanym pa spravie vystaŭleny dziesiacikratny mulciplikatar ad «naniesienaj škody»: u kahości suma vykupu pieravyšaje sotniu tysiač dalaraŭ.
«Niechta, kab raźličycca, vymušany byŭ pradać kvateru, niechta — niedabudavany dom. Tyja, chto nie pryznaŭ vinu i nie spłaciŭ škodu, — pa-raniejšamu siadziać. Adkaz na pytańni rodnych kožny dzień ad śledčych adzin: «Źbirajcie hrošy»,
— skazaŭ «Našaj Nivie» abaznany surazmoŭca.
Tyja, chto kampiensavaŭ «škodu», adpuščanyja na pracoŭnyja miescy.
«Vyjšli pad zapeŭnivańnie śledčych ab miakkim prysudzie, jaki budzie vyhladać jak prymusovyja pracy pa biahučym miescy raboty», — dadaŭ surazmoŭca.
«Naša Niva» — bastyjon biełaruščyny
PADTRYMAĆVa Ukrainie zahinuŭ biełaruski dobraachvotnik Haz4
Kamientary