Mininfarm nazvaŭ navinu ab zabaronie ramana Orueła «1984» «fejkavym ukidam ekstremisckich krynic»
Ministerstva infarmacyi jašče raz prakamientavała naviny ab zabaronie ramana Džordža Orueła «1984» u biełaruskich kramach. Viedamstva adznačyła, što raniej užo abviarhała infarmacyju ab zabaronie, ale abmierkavańnie temy praciahvajecca dahetul. Nasamreč ža heta, jak apraŭdvajucca čynoŭniki, «fejkavyja ŭkidy ekstremisckich krynic».
«Heta fejk, nichto hetuju knihu nie zabaraniaŭ i nie moh, bo jana nie pryznanaja ni ekstremisckaj, ni jašče jakoj-niebudź škodnaj, kab vyklučyć jaje z prodažu» — zajaviła pres-słužba Ministerstva infarmacyi.
Nahadajem, što kopija rasparadžeńnia ab źniaćci knihi Džordža Orueła «1984» z prodažu pastupiła ŭ redakcyju «Našaj Nivy». Dadzienaje rasparadžeńnie źviazvałasia ź dziejnaściu vydaviectva «Januškievič«, dyrektar jakoha — Andrej Januškievič — byŭ zatrymany paśla adkryćcia kramy «Knihaŭka». Padčas rejdu na kramu apieratary śpiecsłužbaŭ akcentavali ŭvahu na antyŭtopii Orueła.
Andrej Januškievič pieravydaŭ raman «1984» na biełaruskaj movie ŭ 2020 hodzie. U sietcy «Biełkniha» jon trymaŭsia na čaćviortym miescy ŭ śpisie bestseleraŭ.
Čytajcie taksama:
Navošta ŭładam zabaraniać Orueła i pryčym tut Ała Puhačova
Čamu ŭ Biełarusi zabaranili antyŭtopiju «1984»? Vy nie pavierycie ŭ samuju imaviernuju viersiju
«1984» Orueła źniali z palic i ŭ hrodzienskich kniharniach
U Biełarusi zabaronieny prodaž ramana Orueła «1984»
Pamiatajecie pravakatara i danosčyka Jaŭhiena Kakojta? Jon ciapier taksama palitviazień3
Kamientary