Kopiju adpaviednaha rasparadžeńnia dla asobnych kniharniaŭ maje «Naša Niva».
«Źniać z prodažu ŭsie varyjanty knihi Orueł D. «1984». Pra vykanańnie dałažyć nie paźniej za 19 maja», — havorycca ŭ rasparadžeńni.
Antyutopija Džordža Orueła «1984» apisvaje tatalitarnaje hramadstva. Žychary pazbaŭlenyja hramadzianskich pravoŭ i indyvidualnaści, ideja paradku absalutyzujecca, isnuje kult asoby Vialikaha Brata, ad ludziej patrabujuć poŭnaha i niekrytyčnaha padparadkavańnia ŭładam. Navat movu źmianiła navamoŭje. «Vajna — heta mir», «svaboda — heta rabstva» i «Vialiki Brat sočyć za taboj», — hetyja vyrazy z ramana stali afaryzmami.
U Savieckim Sajuzie i inšych tatalitarnych dziaržavach Uschodniaj Jeŭropy kniha była zabaronienaja da 1987 hoda.
Na biełaruskuju movu raman u 1992 hodzie pierakłaŭ vybitny pierakładčyk Siarhiej Šupa, tady i vyjšła pieršaje vydańnie. U 2020-m raman byŭ pieravydadzieny vydaviectvam «Januškievič». A ŭ 2021-m vyjšaŭ dadatkovy nakład tvora. Ën staŭ lidaram prodažaŭ u šmatlikich kniharniach.
U dziaržaŭnaj sietcy «Biełkniha» jon trymaŭsia na 4-m miescy ŭ śpisie biestseleraŭ. Redki vypadak dla knihi, jakaja ŭpieršyniu vyjšła šmat dziesiacihodździaŭ tamu. I adlustravańnie taho, jak narod usprymaje pracesy, što adbyvajucca ŭ krainie.
Pazaŭčora, 16 maja, palityčnaja palicyja HUBAZiK zatrymała vydaŭca Andreja Januškieviča.
Hetamu papiaredničała stvareńnie zakaznych repartažaŭ z falsifikavanymi faktami ŭ TH-kanałach Azaronka i Hładkaj, jakija vykarystoŭvajucca śpiecsłužbami dla apraŭdańnia pahromaŭ. U repartažach pra rejd u novaadkrytuju kniharniu «Knihaŭka» apieratary śpiecsłužbaŭ akcentavali ŭvahu na palicy z knihaj «1984».
«Naša Niva» maje kopiju rasparadžeńnia ab zabaronie prodažu knihi. My jaje nie publikujem ź mierkavańniaŭ biaśpieki ludziej, jakija nam jaje pieradali. My nie viedajem, kolki ŭsiaho kniharań i sietak kniharaspaŭsiudu atrymali takoje rasparadžeńnie.
«Naša Niva» — bastyjon biełaruščyny
PADTRYMAĆI dla biełarusaŭ jak supolnaści, i dla kožnaha z nas jak adzinki važna, kab Biełaruś nie stała zonaj maŭčańnia. Važna, kab my viedali adno pra adnaho i pra supolnaść — čym my žyviom, pra pahrozy i pra nadziei taksama.
Ëść dva sposaby paviedamlać pra važnaje i cikavaje. Možna pisać u naš biaśpiečny @Nasa_Niva_Bot. A možna — tym žurnalistam i redaktaram «Našaj Nivy», jakich vy asabista viedajecie i jakim daviarajecie (najlepš — u Sihnał abo ŭ Telehram).
Z našaha boku hetyja mesendžary abaronienyja. Ale pilnujciesia, kab u vas samich stajała padvojnaja aŭtentyfikacyja i aŭtamatyčnaje vydaleńnie.
My — vaš hołas. Dapamahajcie nam havaryć.
Kamientary