Raman Bachareviča «Sabaki Eŭropy» pryznali «ekstremisckim materyjałam»
Pra heta napisała praŭładnaja hazeta «SB» u materyjale, pryśviečanym cisku na kramu «Knihaŭka» i vydaŭca Andreja Januškieviča.
Raman biełaruskaha piśmieńnika Alhierda Bachareviča «Sabaki Eŭropy» ŭłady pryznali «ekstremisckim». Pra heta sam piśmieńnik, jaki žyvie za miažoj, daviedaŭsia z publikacyi ŭ dziaržaŭnaj haziecie i pakazaŭ jaje frahmient publikacyi ŭ Fejsbuku.
Artykuł u haziecie, padnačalenaj administracyi Łukašenki, pryśviečany pieratrusu ŭ novaj minskaj kniharni «Knihaŭka» na vulicy Źmitraka Biaduli, 6, kudy napiaredadni pryjšli prapahandysty Azaronak, Hładkaja i Jaskievič. Jany zadavali ŭładalniku Andreju Januškieviču pravakacyjnyja i ździeklivyja pytańni. Zatym siłaviki zatrymali samoha Januškieviča i supracoŭnicu kniharni Nastu Karnackuju.
Paźniej stała viadoma, što Januškieviču prysudzili 10 sutak aryštu. Akramia taho, jany kanfiskavali ŭ jaho 200 knih, pa 15 vydańniach budzie «praviedziena ekśpiertyza».
Jak adznačyła «SB» u svajoj publikacyi, pieršy nakład «Sabak Eŭropy», nadrukavany na zamovu vydaviectva «Januškievič» u Litvie, aryštavali biełaruskija słužby na miažy. Paźniej raman pryznali «ekstremisckim materyjałam». U im dziaržaŭnaja ekśpiertyza nibyta znajšła «raspalvańnie sacyjalnaj, palityčnaj i ideałahičnaj varažniečy», a taksama «zakliki da masavych biesparadkaŭ dziela niezakonnaha zachopu ŭłady».
«Sabaki Eŭropy» — raman Alhierda Bachareviča, vydadzieny ŭ 2017 hodzie ŭ vydaviectvie «Łohvinaŭ». Raman składajecca z šaści vialikich historyj, splecienych u adnu. U 2018 hodzie kniha zaniała 2 miesca Premii Hiedrojca, što pasłužyła pryčynaj zasnavańnia alternatyŭnaj Čytackaj premii dla ramana «Sabaki Eŭropy». Pavodle ramana «Svabodny teatr» stvaryŭ śpiektakl, u sakaviku 2022-ha ŭ Łondanie adbyłasia jaho suśvietnaja premjera, nahadvaje «Radyjo Svaboda».
U kniharniu «Knihaŭka» pryjšli ź pieratrusam
Vydaŭcu Andreju Januškieviču dali 10 sutak
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»5
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary