Krynicy: Aryštavanyja top-mieniedžary biełaruskaj dački «Hazprama»
Jak stała viadoma «Našaj Nivie», dva tydni tamu byŭ zatrymany top-mieniedžmient «Hazpram transhaz Biełaruś». Dakładna havorycca pra adnaho z namieśnikaŭ hienieralnaha dyrektara. Heta adbyvajecca na fonie admovy ruskich praciahvać niaŭdałaje budaŭnictva «Hazpram Centra».
Budoŭla «Hazpram Centra» pačałasia ŭ 2013 hodzie na miescy śpiecyjalna źniesienaha dla hetaha aŭtavakzała «Maskoŭski» na praśpiekcie Niezaležnaści ŭ Minsku.
Čakałasia, što ŭžo ŭ 2020-m «Hazpram Centr» stanie samym vysokim z funkcyjanujučych budynkaŭ stalicy, ale realnyja vyniki 9 hod rabot abmiežavany fundamientam i karkasam nižnich pavierchaŭ.
«Naša Niva» u detalach paviedamlała pra niaŭdačy na ŭsich etapach ambicyjnaha budaŭnictva.
Čytajcie taksama: Italjanski zabudoŭščyk raźbiraje krany i sychodzić, ambicyjnaja budoŭla «Hazpram-centra» prypynienaja
Čytajcie taksama: Trahikamiedyja na budoŭli «Hazpram-Centra»: abstalavańnie na $20 miljonaŭ sapsavałasia
Čytajcie taksama: Krynicy: «Hazpram transhaz Biełaruś» kančatkova prajhraŭ sierbam sud na $30 miljonaŭ
U sakaviku ruskija kančatkova plunuli na svoj prajekt.
«Z centralha ofisa «Hazprama» ŭ sakaviku pryjšoŭ list ab admovie ad budaŭnictva. Majoraŭ [hiendyrektar «Hazpram transhaz Biełaruś»] paviedamiŭ pra heta vice-premjeru, a jak skazać Łukašenku, jany nie viedali», — kaža abaznanaja krynica.
Supadzieńnie ci nie, ale nieŭzabavie paśla hetaha pačalisia zatrymańni top-mieniedžmientu biełaruskaj dački «Hazprama», jakaja i zajmałasia ŭźviadzieńniem.
«Zatrymany namieśnik hiendyrektara Andrej Šaban, a taksama jašče dvoje mieniedžaraŭ. Papiarednie — zhadany «hurtok pa intaresach» stvaryŭ kampaniju, praź jakuju pierapradavali abstalavańnie dla patrebaŭ «Hazprama» pa zavyšanych cenach», — kažuć abaznanyja.
Siońnia Łukašenka zhadvaŭ prablemnuju budoŭlu ŭ kantekście svajoj bližejšaj sustrečy z Pucinym: maŭlaŭ, jon choča viedać «što tam adbyvajecca».
«Jak mnie kažuć, jany płaciać šalonyja štrafnyja sankcyi. Ale sprava nie ŭ sankcyjach. Nie moža ŭ centry Minska na hałoŭnym praśpiekcie za płotam stajać niezrazumieła što. <…> Kali jany nie chočuć na hetaj placoŭcy pracavać, musić być dakładny adkaz: tak ci nie», — vykazaŭsia Łukašenka na naradzie pa Minsku.
«Našu Nivu» finansujuć jaje čytačy — padtrymać prosta
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA25
Kamientary