Jak biełarusy pierasiakajuć naziemnuju miažu paśla admieny abmiežavańniaŭ
Sa śniežnia 2020 hoda biełarusy nie mahli svabodna vyjazdžać za miažu praz naziemnyja punkty propusku (za vyklučeńniem pracy abo lačeńnia). Zabaronu źniali niečakana, i z 3 krasavika, jak i raniej, vyjechać moža luby achvotny. Zerkalo parazmaŭlała z tymi, chto pierasiakaŭ miažu ŭ pieršyja dni admieny zabarony.
Aksana z mužam siarod pieršych pierasiakali miažu pa novych praviłach. Jany jechali na aŭtobusie «Minsk — Hdańsk», abkłaŭšysia dakumientami. Raniej biełaruskija pamiežniki praviarali ich vielmi stroha.
«My vyjazdžali pa pracoŭnych vizach — raspaviadaje Aksana. — Z saboj byli damovy na dźviuch movach i zaprašeńni na pracu. Na biełaruskim baku damovy navat nie hladzieli. A voś na polskim treba było pakazać zaprašeńni na pracu.
Z usich pasažyraŭ palaki nie prapuścili tolki adnaho mužčynu z hruzinskim pašpartam i rabočaj polskaj vizaj. Raspytvali jaho na ruskaj, polskaj, anhlijskaj, ale jon ničoha nie zmoh adkazać. Vierahodna, prosta ich nie razumieŭ. Bahaž nadhladali jak zvyčajna — nijakich prydzirak abo niezvyčajnych pytańniaŭ. Miažu prajšli adnosna chutka: za tryccać chvilin biełaruskuju i za hadzinu dvaccać — polskuju», — zaklučaje minčanka.
Alina taksama jechała 3 krasavika, ale ŭ Litvu. Kaža, što ŭ ich aŭtobusie biełaruskija pamiežniki praviarali tolki pašparty.
«Papiarednie ŭsich sfatahrafavali, dadatkovych pytańniaŭ nie zadavali — raspaviadaje dziaŭčyna. — Na litoŭskaj miažy pravieryli vizu i rečy kožnaha vyjazdžajučaha. Staranna dadhladali tych, u kaho byŭ biesparadak u rečach, a ŭ kaho usio było akuratna składzienaje, amal nie hladzieli. Nie puścili tolki adnaho čałavieka ź vizaj «S». U jaho była tolki daviedka ab tym, što pierachvareŭ na kavid. Dakładnaj pryčyny, zdaryłasia heta z-za vizy abo adsutnaści vakcyny, ja nie viedaju».
«Tym, chto braŭ ukraincaŭ biez pašpartoŭ da siabie ŭ mašynu, pamiežniki vypisvali štraf»
Viktar praktyčna kožny dzień jeździć praz punkt propusku «Brest — Ciarespal», što na biełaruska-polskaj miažy. Da 3 krasavika kožny dzień na biełaruskim baku jon pakazvaŭ kantrakt. Ciapier — ničoha.
«Z polskaha boku — pašpart ź vizaj albo dazvoł na žycharstva. Da hetaha abaviazkova patrabavali PŁR-test i daviedku ab vakcynacyi, — kaža jon. — Naziraju vielmi cikavuju karcinu, jakaja składvajecca paśla 24 lutaha na ŭjezd u Biełaruś. Ciapier niekatoryja ŭkraincy (baču ich pa niekalki dziasiatkaŭ u dzień) sprabujuć pryjechać u Biełaruś abo trapić tranzitam praz našu krainu ŭ Rasiju. Na pamiežnym pierachodzie ŭ Breście palaki puskali takich ludziej tolki pry najaŭnaści bijamietryčnaha pašparta, a tydzień tamu pryniali pastanovu puskać niezaležna ad jaho najaŭnaści. Tak, ludzi biez pašparta prynosili dakumienty z fatahrafijaj, dzie ź ich słoŭ paćvierdžanaja asoba i staić piačatka ab tym, što čałaviek aficyjna trapiŭ na terytoryju Jeŭrasajuza».
«Bačyŭ, što biełaruskija pamiežniki takich ludziej nie chočuć prapuskać, — praciahvaje Viktar. — Prapuskajuć tolki ź bijamietryčnymi abo zamiežnymi pašpartami i danymi svajaka, da jakoha jedzieš u Biełaruś ci Rasiju. Pry mnie ludzi telefanavali ŭ naš pahrankamitet, dzie im paviedamlali, što ŭ dačynieńni da kožnaha rašeńnie prymacca budzie asobna. A tym, chto braŭ ukraincaŭ biez pašpartoŭ da siabie ŭ mašynu, pamiežniki vypisvali štraf».
Pra toje, jak napiaredadni jechali praź miažu, raspaviali i inšyja čytačy. U asnoŭnym, usio prachodziła spakojna.
«Pierasiekła miažu z Polščaj učora. Usio prajšło adnosna hładka, asabliva nie dadhladali».
«Pierasiakaŭ miažu z Estonijaj. Prapuskajuć biełaruskija aŭtamabili biez prablem. Pa Łatvii, Litvie, Polščy nijakich pieraškod dla ruchu aŭto niama», — paćviardžaje druhi padarožnik.
Jak ujazdžać u ES?
Nahadajem, pry pierasiačeńni miažy z Polščaj biełarusy da 28 sakavika pavinny byli dać admoŭny vynik malekularnaha testa abo ekspres-testa na antyhien, vykanany na praciahu 24 hadzin da pierasiačeńnia miažy (dzieci, małodšyja za piać hadoŭ, vyzvalenyja ad zdačy testa). Trapić u krainu možna było pry najaŭnaści siertyfikata ab poŭnaj vakcynacyi uchvalenymi ŭ ES vakcynami albo pry pradastaŭleńni daviedki ab vyzdaraŭleńnia ad COVID-19 terminam dziejańnia 6 miesiacaŭ. Adnak z 28 sakavika hetyja abmiežavańni źniali.
U Litvu hramadzianie Biełarusi ciapier mohuć ujazdžać pa nastupnaj schiemie:
pry najaŭnaści siertyfikata ab poŭnaj vakcynacyi uchvalenymi ŭ ES vakcynami, pry pradastaŭleńni siertyfikata ab vyzdaraŭleńni terminam dziejańnia 180 dzion (abodva varyjanty dziejničajuć tolki dla vizy typu S) albo pry admoŭnym vyniku PŁR-testa, zroblenaha maksimum za 72 hadziny da vyjezdu (dla viz typu D). Samaizalavacca pa prybyćci nie patrabujecca.
Z 1 krasavika pry ŭjeździe ŭ Łatviju źniatyja kavidnyja abmiežavańni. Pry ŭjeździe ŭ krainu niama nieabchodnaści pakazvać daviedku ab vakcynacyi, vyzdaraŭleńni abo admoŭnym vyniku testa.
Taksama 3 krasavika źjaviłasia infarmacyja ab tym, što polskija pamiežniki buduć staranna praviarać hruzaviki, jakija jeduć u Biełaruś. Prastoj ŭ čarzie moža pavialičycca da 80 hadzin, paviedamiła Polskaje ahienctva presy.
Łukašenka choča, kab kiraŭniki rajvykankamaŭ pryznačali i dyrektaraŭ pryvatnych struktur32
Kamientary