«Jon svaju rolu adyhraŭ». Łukašenka maje namier pravieści naradu z rezidentami PVT
«U svoj čas biez usialakaj mody stvaryli Park vysokich technałohij. Jon svaju rolu adyhraŭ i adyhryvaje ŭ ciapierašni čas», — zajaviŭ siońnia Łukašenka.
![](http://d3kcf2pe5t7rrb.cloudfront.net/img/w840d4webp1/photos/z_2022_01/fb270112-xtzq7.png.webp)
«Ja chaču, kab vy siońnia hetuju temu zakranuli i prainfarmavali mianie, što tam adbyvajecca ŭ hetym parku, nakolki tam tendencyja adtoku kadraŭ.
Jak mianie infarmujuć: taki ŭžo tam adtok, što zaŭtra zahinie Biełaruś biez ajcišnikaŭ», — adznačyŭ siońnia Alaksandr Łukašenka, słuchajučy dakład pa prajekcie ŭkaza ab orhanie dziaržaŭnaha kiravańnia ŭ śfiery ličbavaha raźvićcia i pytańniach infarmatyzacyi.
Jon raskazaŭ ab płanach pravieści naradu z pradstaŭnikami IT-śfiery, jakija pracujuć u PVT, i pryniać šerah rašeńniaŭ.
«Praces adjezdu niekatorych ajcišnikaŭ ŭsie-taki nazirajecca, i, mahčyma, jon nie mały. Nam treba pahladzieć z punktu hledžańnia biaśpieki, nakolki heta niebiaśpiečna dla Biełarusi. Ź inšaha punktu hledžańnia, treba ŭsio ž taki razabracca z IT-technałohijami, IT-parkami i z hetymi ajcišnikami, kab u nas byli roŭnyja ŭmovy dla ŭsich. Čas pryjšoŭ dla taho, kab vyrašać hetyja pytańni», — padkreśliŭ Łukašenka.
Kamientary