«Šmat ludziej chvareje, nie paśpiavajuć fizična». U kamisijach raskazali, čamu nie vyviešvajuć śpisy čalcoŭ
Nahadajem, pa płanie, zaćvierdžanym CVK, učastkovyja kamisii farmujucca da 6 lutaha. Viadoma, što pa ŭsioj Biełarusi ich 5510, u Minsku — 692. Raniej skład hetych kamisij publikavali na sajtach administracyj rajonaŭ. A sioleta śpisaŭ niama.
Čytačka «Našaj Nivy» pacikaviłasia, kali jana zmoža aznajomicca sa śpisami ŭ svaim rajonie. Žančyna patelefanavała ŭ Minskuju haradskuju kamisiju pa refierendumie, i voś što joj adkazali: «Ubačyć śpisy składu kamisij možna budzie 11 lutaha na ŭčastkach».
«Z-za taho, što šmat ludziej chvareje, nie paśpiavajuć fizična. Musić, tak. Prychodźcie paśla abiedu. Budzie raźmieščanaja infarmacyja», — adkazali ŭ kamisii Savieckaha rajona.
Dla paraŭnańnia čytačka pazvaniła ŭ kamisiju Leninskaha rajona Minska:
«Sami kamisii sfarmavanyja. Pa składzie jašče infarmacyi niama. Viadoma, jany buduć. Rašeńnie prymajecca administracyjaj», — adkazali tam.
A voś u CVK patłumačyć, kali buduć śpisy sa składam učastkovych kamisij, nie zmahli.
«Vam nieabchodna ź'viartacca ŭ administracyju Savieckaha rajona. Nu, nie raźmiaščali takuju infarmacyju. Na hety momant u nas na sajcie niama, moža być, u administracyi pacikaŭciesia. Składana skazać, ci buduć śpisy bližej da 27», — adkazali na haračaj linii Centralnaj vybarčaj kamisii.
Čytajcie jašče:
Ułady vyrašyli nie publikavać śpis tych, chto budzie ličyć hałasy na refierendumie?
«Nabližanyja adčuvajuć luboŭ nie da kankretnaj asoby, a da pasady». Prafiesar psichałohii Uładzimir Jančuk ab ciapierašnim stanie ŭłady i hramadstva
Byłaja deputatka Maryja Vasilevič sabrałasia zamuž FOTA8
Kamientary