Raniej nieviadomy varyjant SARS-CoV-2 vyjavili ŭ vandroŭnika, jaki viarnuŭsia z Kamieruna ŭ Francyju. Vyvučeńnie znachodzicca na pačatkovym etapie, piša DW.
Jak paviedamlajecca, vandroŭnik paśpieŭ zarazić jak minimum 12 čałaviek na poŭdni Francyi. Testy pakazali ŭ zaražanych «atypovuju kambinacyju mutacyj».
Novy varyjant atrymaŭ časovaje abaznačeńnie B.1.640.2, jaho adkryćcio prypisvajecca navukoŭcam Mižziemnamorskaha instytuta infiekcyjnych zachvorvańniaŭ u Marseli. U papiarednim daśledavańni, jakoje jašče pavinna prajści ekśpiertnuju acenku, havorycca, što ŭ novym varyjancie vyjaŭlena 46 mutacyj.
Nie vyklučana, što hety varyjant moža być bolš zarazny za papiarednija. Pakul pra jaho viadoma mała, vyvučeńnie znachodzicca na pačatkovym etapie.
Na hety momant daminujučym varyjantam kavidu na terytoryi Francyi źjaŭlajecca «amikron», na jaho dolu prypadaje bolš za 60% vypadkaŭ zaražeńnia. Z pačatku pandemii ŭ krainie bolš za 10 miljonaŭ čałaviek zarazilisia karanavirusam.
Ad 3 studzienia ŭ Francyi nabyło moc novaje praviła, jakoje pradpisvaje našeńnie masak dzieciam va ŭzroście z šaści hadoŭ. Raniej nasić maski ŭ hramadskich miescach treba było tolki pačynajučy z 11 hadoŭ. Akramia taho, u bujnych haradach, jak Paryž i Lijon, znoŭ treba budzie znachodzicca ŭ mascy na vulicy.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary