Za hod Dobkin pradaŭ 13,5% svaich akcyj EPAM i zarabiŭ bolš za $100 miljonaŭ
Za 2021 hod cana akcyj EPAM pavialičyłasia amal udvaja, a kampanija padaražeła na $15 młrd. CEO Arkadź Dobkin pradaŭ 195 tys akcyj EPAM za prykładna $107 młn, piša Dev.by.
Pa danych Wallmine, u 2021 hodzie Dobkin vosiem razoŭ ździajśniaŭ ździełki sa svaimi akcyjami. Najbujniejšaja adbyłasia 8 śniežnia — tady 50 tys akcyj «syšli» za $34,5 młn.
Usiaho za hod CEO EPAM pradaŭ 195 tys akcyj (13,5% ad ahulnaj kolkaści ŭ jaho ŭłasnaści) za prykładna $107 młn. U Dobkina zastajecca 1 251 808 kaštoŭnych papier EPAM.
Bolš aktyŭna za ŭsio Arkadź Dobkin pradavaŭ akcyi kampanii ŭ 2012 hodzie (hod vychadu EPAM na IPO). Tady jon vyručyŭ «usiaho» $4,4 młn za amal 371 tys kaštoŭnych papier.
Za dzieviać hadoŭ akcyi EPAM padaražali bolš čym u 50 razoŭ.
Siarod insajdaraŭ, jakija pradavali akcyi EPAM u hetym hodzie, jość jašče adzin uradženiec Biełarusi — Viktar Dvorkin, vice-prezident kampanii. Jon atrymaŭ $ 560 tys za 12 tys akcyj.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary