Sud Maskoŭskaha rajona Bresta pačaŭ razhladać «karahodnuju» kryminalnuju spravu pa č. 1 art. 342 suprać jašče 13 bieraścieŭcaŭ za ŭdzieł 13 vieraśnia ŭ karahodzie na skryžavańni bulvara Kasmanaŭtaŭ i praśpiekta Mašerava, kali pratestoŭcy byli razahnanyja vadamiotam. Sudździa — Jaŭhien Brehan. Siarod abvinavačanych — 23-hadovy palitviazień Radzivon Miedušeŭski. Usiaho kolkaść fihurantaŭ «spravy karahodaŭ» padbirajecca pad sotniu.
Sudziać:
- 34-hadovy Aniskievič Andrej Siarhiejevič
- 19-hadovy Vinakuraŭ Ihar Alehavič
- Ksienžuk Siarhiej Valerjevič
- 23-hadovy Kurhanoŭ Dźmitryj Jurjevič
- 45-hadovaja Łojka Alena Dźmitryjeŭna
- 23-hadovy palitviazień Miedušeŭski Radzivon Uładzimiravič (zatrymany 16 sakavika i źmieščany ŭ SIZA-7, dzie ŭtrymlivajecca dahetul)
- 28-hadovaja Ništ Safija Jaŭhienaŭna
- 40-hadovy Niamirski Andrej Jaŭhienavič
- 25-hadovy Pałchoŭski Illa Siarhiejevič
- 39-hadovy Śmirnova Kaciaryna Viktaraŭna
- 20-hadovy Uvaraŭ Mikita Iharavič
- 27-hadovy Chrapko Alaksandr Vasiljevič
- 28-hadovy Čuhunova Halina Alaksandraŭna
Pavodle viersii abvinavačvańnia, kožny z abvinavačanych u hrupie ź inšymi asobami naŭmysna ŭziaŭ aktyŭny ŭdzieł u hrupavych dziejańniach, jakija hruba parušajuć hramadski paradak. Ich dziejańni byli spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, paciahnuli parušeńnie pracy transpartu, pradpryjemstvaŭ i arhanizacyj. U pryvatnaści, z-za prastoju tralejbusnamu parku byŭ naniesieny ŭron 619 rubloŭ 55 kapiejek, aŭtobusnamu — 40 rubloŭ 37 kapiejek, na niekalki hadzin začynilisia handlovyja paviljony i restaran chutkaha charčavańnia. Takaja farmuliroŭka hučyć va ŭsich abvinavačvańniach.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary