The Wall Street Journal: Troje navukoŭcaŭ z łabaratoryi Uchani ciažka zachvareli ŭ listapadzie 2019 hoda. U ich moh być karanavirus
Vydańnie spasyłajecca na nieapublikavany dakład vyviedki ZŠA, dzie śćviardžajecca, što daśledčyki ź instytuta virusałohii va Uchani byli špitalizavanyja ŭ listapadzie 2019 hoda.
Heta infarmacyja moža jašče bolš raspalić sprečki nakont mahčymaha łabaratornaha pachodžańnia karanavirusa.
Zhodna z dakładam, troje daśledčykaŭ z łabaratoryi, dzie vyvučajucca karanavirusy i inšyja patahieny, zachvareli ŭ listapadzie 2019 hoda. U ich byli simptomy, charakternyja jak dla kavidu, tak i dla zvyčajnych siezonnych zachvorvańniaŭ. Nieŭzabavie paśla hetaha pačałasia ŭspyška karanavirusa.
Pieršy aficyjna zarehistravany vypadak zaražeńnia karanavirusam byŭ zafiksavany 8 śniežnia 2019 hoda. Pry hetym bolšaść epidemijołahaŭ i virusołahaŭ miarkujuć, što chvaroba raspaŭsiudziłasia va Uchani jašče ŭ listapadzie.
Ministerstva zamiežnych spraŭ Kitaja admaŭlaje mahčymaje łabaratornaje pachodžańnie karanavirusa i śćviardžaje, što «ZŠA praciahvajuć raskručvać viersiju ab łabaratornaj uciečcy». «ZŠA nasamreč zakłapočanyja vyjaŭleńniem pieršakrynicy virusa ci prosta namahajucca takim čynam adciahnuć uvahu?» — adkazali pradstaŭniki ministerstva na zapyt The Wall Street Journal.
Administracyja Bajdena admoviłasia kamientavać infarmacyju vyviedki, ale adznačyła, što ŭsie mahčymyja teoryi pachodžańnia pandemii musiać być daśledavanyja mižnarodnymi ekśpiertami i SAAZ.
U sakaviku SAAZ apublikavała 120-staronkavy dakład ab pachodžańni karanavirusa, dzie najbolš vierahodnaj viersijaj nazyvałasia pieradača virusa čałavieku ad žyvioły. Adnak mnohija navukoŭcy krytykavali Kitaj za toje, što kitajskija daśledčyki dali dostup nie da ŭsich źviestak.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary