18 viadučych bijołahaŭ napisali adkryty list z zaklikam daskanała vyvučyć pieršakrynicu karanavirusa
List byŭ apublikavany ŭ adnym z samych znakamitych navukovych časopisaŭ Science.
Navukoŭcy ličać nieabchodnym pravieści dadatkovyja daśledavańni, kab vyjavić pieršakrynicu pandemii. Bijołahi pierakananyja, što nielha vyklučać mahčymaje łabaratornaje pachodžańnie karanavirusa. Viedańnie taho, jak uźnik kavid, moža mieć vyrašalnaje značeńnie dla stvareńnia hłabalnych stratehij pa źnižeńni ryzyki budučych uspyšak virusaŭ.
U listapadzie 2020 hoda byli apublikavanyja vyniki sumiesnaha daśledavańnia SAAZ i Kitaja, pryśviečanyja pachodžańniu karanavirusa. Adnak infarmacyju dla pieršaha etapu daśledavańnia źbirała kitajskaja pałova kamandy, a astatnija daśledčyki ŭžo abapiralisia na ich analiz. Nie było nivodnaha vyniku, pa jakim adnaznačna možna było b vyznačyć pieršakrynicu pandemii. Ale daśledčyki acanili łabaratornaje pachodžańnie jak «małaimaviernaje», što, na dumku bijołahaŭ, źjaŭlajecca biespadstaŭnym.
Viadučyja śpiecyjalisty zaklikajuć, kab daśledavańnie było prazrystym, abjektyŭnym i zasnavanym na dakładnych źviestkach.
Siarod tych, chto padpisaŭ list, — adzin z samych viadomych śpiecyjalistaŭ pa karanavirusach Ralf Beryk.
Kamientary