«My nie chacieli b ciapier udzielničać u hetaj honcy»: Piaskoŭ prakamientavaŭ situacyju vakoł samalota Ryanair
Pres-sakratar prezidenta Rasii Dźmitryj Piaskoŭ, kamientujučy zakliki Zachadu ŭvieści sankcyi ŭ suviazi ź incydentam z samalotam avijakampanii Ryanair, što ździejśniŭ vymušanuju pasadku ŭ Minsku, zajaviŭ, što spačatku jamu treba dać ćviarozuju acenku, piša RBK
Adkazvajučy na pytańnie, ci abierniecca incydent nastupstvami i dla Rasii, Piaskoŭ skazaŭ: «Ja nie staŭ by abjadnoŭvać ŭ adzinuju sistemu. Pakul treba prosta ćviaroza dać acenku padziei z hetym samalotam».
«Chtości patrabuje sankcyi, chtości kaža, što adpaviadała mižnarodnym praviłam i normam. My b ciapier nie chacieli ŭdzielničać u hetaj honcy navypieradki», — skazaŭ Piaskoŭ.
Jon dadaŭ, što Kreml nie vychodziŭ na suviaź ź biełaruskimi ŭładami z-za situacyi z samalotam. «Kreml [hetym] nie zajmajecca. Heta pytańnie konsulskaha absłuhoŭvańnia rasijskich hramadzian za miažoj, całkam i całkam źjaŭlajecca prerahatyvaj MZS», — padkreśliŭ pres-sakratar kiraŭnika rasijskaj dziaržavy.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary