«Adbyvajecca naŭmysnaja palityzacyja»: u MZS prakamientavali vypadak z samalotam Ryanair
Pres-sakratar MZS Anatol Hłaz prakamientavaŭ vypadak z samalotam Ryanair rejsam Afiny — Vilnia, jaki pasadzili ŭ Minsku.
Adkaz źmieščany na sajcie biełaruskaha zamiežnapalityčnaha viedamstva.
«Viadoma, čysta pa-čałaviečy zrazumieła i prykra, što pasažyry nazvanaha rejsa sutyknulisia z peŭnymi niazručnaściami. Adnak praviły avijacyjnaj biaśpieki — heta absalutny pryjarytet, prytym usiudy i dla ŭsich. U hetaj suviazi dziejańni ekipaža samalota, jaki adkazvaje za žyćci svaich pasažyraŭ, ujaŭlajucca całkam apraŭdanymi. Voś z hetaha punktu hledžańnia, z punktu hledžańnia biaśpieki, jakaja była całkam zabiaśpiečana sumiesnymi namahańniami, i treba, pierš za ŭsio, hladzieć na hety incydent.
Niama nijakich sumnievaŭ, što dziejańni našych kampietentnych uładaŭ taksama całkam adpaviadali ŭstanoŭlenym mižnarodnym praviłam. Biełaruski bok zaŭsiody adkazna padychodziŭ i padychodzić da ich vykanańnia. Heta pryznajecca i adpaviednymi rehulatarami ŭ avijacyjnaj śfiery. Bolš za toje, upeŭnieny, što ŭ dadzienym pytańni my ŭ stanie harantavać poŭnuju transparentnaść, u vypadku nieabchodnaści pryniać ekśpiertaŭ i prademanstravać usie materyjały, kab vyklučyć insinuacyi.
Na hetym fonie, viadoma, dzivić paśpiešnaść adkryta vajaŭničych zajaŭ z boku šerahu krain i jeŭrapiejskich struktur. Situacyja prosta i vidavočna nahniatajecca. Adbyvajecca jaje naŭmysnaja palityzacyja, hučać ničym nie paćvierdžanyja abvinavačvańni, klejacca jarłyki. Pry hetym niama nijakaha bačnaha žadańnia ŭ joj abjektyŭna razabracca. Zamiest hetaha nieadkładna znoŭ zahučali łozunhi pra sankcyi.
My ŭsio ž zaklikajem tych, chto paddaŭsia hetaj zahannaj praktycy, pamiatać ab praviłach i biaśpiecy pasažyraŭ, usio spakojna praanalizavać, dačakacca zaklučeńniaŭ kampietentnych ekśpiertaŭ. Bo tolki na hetaj padstavie možna rabić chacia b niejkija vartyja ŭvahi vysnovy», — skazaŭ Anatol Hłaz.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary