Hramadstva

Hrodzienku ŭ štanach z BČB-łampasami zvolnili z pošty «za prahuł»

Hrodzienku Luboŭ Sarłaj zvolnili ź Biełpošty, dzie jana pracavała apierataram. Jana chacieła syści z pracy pa pahadnieńni bakoŭ, ale jaje zajavu nie padpisali i ŭ vyniku zvolnili za prahuł zahadam ad 19 krasavika, piša Hrodna.life.

Sarłaj chacieła ŭziać 25 sakavika vychadny za svoj košt. Pra heta jana papiaredziła načalstva. Dyrektar, pa jaje słovach, pahadziŭsia, ale paźniej zajavu nie padpisaŭ i prapanavaŭ vybrać inšy dzień. Luboŭ nie vyjšła na pracu 25 sakavika. Dyscyplinarnaha spahnańnia tady nie było, ale paźniej jaje zvolnili za prahuł biez pavažnych pryčyn (p. 5 art. 42 Pracoŭnaha kodeksa). Terminy spahnańnia — 1 miesiac — vykananyja.

Luboŭ pryjšła pracavać na poštu ŭ 2008 hodzie paśla paštovaha vučylišča, raspaviała dziaŭčyna na staroncy ŭ Instagram. «Pamiataju svoj pieršy, vielmi dušeŭny i družny kalektyŭ, ź im možna było i ŭ ahoń, i ŭ vadu. Usiakaje było, i dobraje, i drennaje, ale ŭ lubym vypadku dobraha było bolš. Za čas pracy na pošcie ja vyjšła zamuž, naradziła dvaich synoŭ».

Z sakavika Luboŭ pracavała ŭ vyłučanym pracoŭnym miescy — punkcie paštovych pasłuh «Nika». Jana prasiła pieravieści jaje na pracu ŭ inšaje adździaleńnie, kab joj było zručniej advozić dziaciej u dziciačy sad. Načalstva admoviłasia. Tady Luboŭ vyrašyła zvolnicca sama, ale jaje zvolnili pa artykule.

Luboŭ raspaviała, što lubiła svaju pracu, ale časam chacieła jaje źmianić z-za «katastrafična nizkaj» zarabotnaj płaty. Jaje zarobak za sakavik skłaŭ 420 rubloŭ, za krasavik — 382. Da taho ž, byŭ «kaśmičny» płan pa vypiscy dziaržaŭnych haziet. Kali nie ŭdavałasia jaho vykanać, niekatoryja supracoŭniki addavali da 100 rubloŭ dla kampiensacyi. U pres-słužbie Biełpošty na pytańni Hrodna.life paprasili dasłać piśmovy zapyt.

U pačatku leta 2020 hoda Luboŭ vyjšła z prafsajuza. «Ja nie viedaju, pažadany ja była supracoŭnik ci nie, ale pracu ja vykonvała svaju adkazna. Ja nikoli nie dazvalała sabie spaźniacca, začynicca krychu raniej ci adčynicca paźniej, chamić ludziam, pavodzić siabie nieprystojna, a ŭžo tym bolš, nie vychodzić na pracu prosta tak. Ale i poŭzać, chadzić na zadnich łapkach i maŭčać — heta taksama nie pra mianie», — raspaviała Luboŭ. Jana dadała, što pastupiła b tak ža, kali b viedała, da čaho heta pryviadzie. U kamientarach u Instagram karystalniki dziakujuć Lubovi za pazicyju.

Ciapier Luboŭ budzie šukać pracu. «Za taki zarobak… Mienš dakładna nie znajdu. Pačnu z nula, z čystaha lista», — raspaviała jana Hrodna.life.

Lubovi Sarłaj 32 hady. Zamužam, vychoŭvaje synoŭ troch i šaści hadoŭ. Luboŭ nieadnarazova zatrymlivali i sudzili paśla vybaraŭ 2020 hoda. Spačatku jaje zatrymali 31 kastryčnika 2020 hoda kala kramy. Potym pravaachoŭnikaŭ naściarožyli zdymki na Instagram-staroncy dziaŭčyny — na jaje skłali pratakoły za ŭdzieł u niesankcyjanavanych mierapryjemstvach. Niekatoryja spravy spynili za zakančeńniem terminu daŭnaści. Viadomaj stała historyja pra štany z BČB-łampasami — za špacyr u ich dziaŭčyna vypłacić štraf 20 bazavych vieličyń (580 rubloŭ).

Kamientary

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady18

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →