«Hałasy ZMiesta» padrychtavali dla «Jeŭrabačańnia» dźvie novyja pieśni
Hurt «Hałasy ZMiesta» padrychtavaŭ dla konkursu pieśni «Jeŭrabačańnie-2021» dźvie novyja pieśni. Pra heta ŭ efiry STB paviedamiŭ lidar hurta Dźmitryj Butakoŭ.
«My ich pa dźvie za tydzień pišam. Užo štuk šeść napisana. Navat paračku adabrali i adasłali. Adna trochi viasiołaja atrymałasia, druhaja — bolš surjoznaja. Budziem spačatku čakać jakuju vybieruć», — raspavioŭ Dźmitryj Butakoŭ.
Dźmitryj Butakoŭ upeŭnieny, možna ŭ luboj pieśni pačuć žadanaje.
Frontmien hurta dadaŭ, što na Zachadzie pieśnia hurta «Ja nauču tiebia» nibyta palubiłasia słuchaču. «Na Zachadzie adekvatnyja darosłyja ludzi absalutna narmalna ŭsprymajuć pieśniu, navat chvalać i napiavajuć. Mnie dasyłali anhlijskuju viersiju, dzieci śpiavajuć i na skrypačcy ihrajuć. I pa radyjo hetuju pieśniu kruciać u nas, va Ukrainie, va Uładzivastoku, Kazachstanie, Kanadzie. Pieśnia pajšła ŭ narod. Usio narmalna», — adznačyŭ jon.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary