Minskaje «Dynama» i BATE — u paradku, a «Ruch» buksuje. Čaho čakać ad druhoha tura vyšejšaj lihi
Vyšejšaja liha startavała z čatyroch razhromaŭ užo ŭ pieršym tury, i ŭsie zabylisia na frazu pra «viasnovy futboł». Nulavoj ničyjoj skončyŭsia tolki adzin matč z vaśmi.
Razam z Bukmiekierskaj kantoraj Marafon my sočym za ŭsimi cikavostkami čempijanatu Biełarusi pa futbole.
Vyniki 1 tura:
- «Isłač» — «Słavija» 1:0 (88, Hłuščankoŭ)
- «Enierhietyk-BDU» — «Smarhoń» 3:0 (32, Škurdziuk; 77, A. Vasiljeŭ; 85, Vihoŭski)
- «Ruch» — «Homiel» 1:1 (63, Kancavy — 76, Sałaviej)
- «Dynama-Minsk» — «Tarpieda-BiełAZ» 3:0 (53, Navumaŭ; 74, Uścinaŭ (ah); 77, Bykaŭ)
- «Šachcior» — «Minsk» 1:0 (88, Darbo)
- «Sputnik» — «Dynama-Brest» 0:4 (21, Siadźko (p); 70, Bieleńki; 75, Šaściuk; 87, Žurnievič)
- «Nioman» — «Viciebsk» 0:0
- BATE — «Słuck» — 3:0 (5, Umaraŭ; 57, Milič; 84, Skavyš)
Z hetaha śpisu niečakanymi možna nazvać chiba što bujnuju parazu «Tarpieda» i ničyju ŭ pieršym matčy abnoŭlenaha «Rucha». Ale, ź inšaha boku, šmatlikija ekśpierty prahnazavali pabudovu Leanidam Kučukom u mižsiezońnie top-kamandy ź minskaha «Dynama», jakaja budzie rvać ź pieršaha tura, a jahonamu kalehu Kiryłu Alšeŭskamu jašče patrebny čas, kab zrabić z kavałkaŭ letašnich «Rucha» i bresckaha «Dynama» adziny mocny kalektyŭ.
Padobnaja prablema jość i ŭ «Šachciora». Čempijon tolki ŭ samym kancy matča zdabyŭ pieramohu nad «Minskam». Varta, praŭda, adznačyć, što salihorcy ŭsiu hulniu mieli pieravahu i try bały zasłužyli.
Ź viktoryi startavała i «Isłač» Arcioma Radźkova. Ambicyjnaja maładaja kamanda zdoleła pieratvaryć šmatlikija momanty la bramy «Słavii» ŭ hoł, jaki abaviazkova dadaść upeŭnienaści ŭ svaich siłach.
Čaho nie skažaš pra «Smarhoń», «Spadarožnik» i «Słuck». Ich matčy prajšli pa padobnym scenaryi: prapuščany hoł u pieršym tajmie i sproby naviazać baraćbu, 0:2 u druhim tajmie i strata matyvacyi, jakaja pryviała da razhromu. Kali słuččaki prajhrali istotna macniejšamu apanientu, to smarhoncy i rečyčcy — naminalnym sieradniakam lihi. Niadobry zvanočak dla navičkoŭ.
Jakija matčy nas čakajuć u druhim tury?
«Słavija» — «Tarpieda-BiełAZ»
- 19.03, 18:00. Mazyr, stadyjon «Junactva»
- Kaeficyjenty: «Słavija» (pieramoha) — 3.32; ničyja — 3.44; «Tarpieda» (pieramoha) — 2.04.
Mazyrčukam i žodzincam u pieršym tury pašancavała mienš za astatnija kamandy. Cana pieramohi ŭ vočnym matčy budzie nadzvyčaj vysokaj: pieramoha minimizuje nastupstvy startavaj niaŭdačy, a paraza dazvolić kankurentam syści ŭ adryŭ.
«Tarpieda» praciahvaje pracavać nad uzmacnieńniem składu. Z kamandaj trenirujucca brazilski paŭabaronca Fabrysiu Oja i biełaruski forvard Valeryj Harbačyk, jaki raniej hulaŭ u Žodzinie. Mahčyma, ich pasłuhi spatrebiacca Juryju Puntusu.
«Isłač» — «Smarhoń»
- 19.03, 20:45. Stadyjon FK «Minsk»
- Kaeficyjenty: «Isłač» (pieramoha) — 1.49; ničyja — 4.20; «Smarhoń» (pieramoha) — 5.80.
Minčuki i smarhoncy pačynajuć siezon u krychu roznym stanoviščy: kali «Isłač» startuje z dvuch chatnich matčaŭ, to «Smarhoni» prychodzicca pačynać z haściavych matčaŭ pry minimalnaj padtrymcy zaŭziataraŭ.
Taki kalandar moža dazvolić «vaŭkam» zdabyć druhuju pieramohu na starcie i zabiaśpiečyć davoli kamfortnuju dalejšuju chadu pa dystancyi. «Smarhoni» ž treba čaplacca za supastaŭnych pa mocy supiernikaŭ, kab zmahacca za vyžyvańnie ŭ čempijanacie. Pahladzim, ci atrymajecca.
«Enierhietyk-BDU» — «Šachcior»
- 20.03, 14:00. Minsk, RCAR-BDU
- Kaeficyjenty: «Enierhietyk» (pieramoha) — 7.40; ničyja — 4.70; «Šachcior» (pieramoha) — 1.363.
Pamiatajecie, čym «Enierhietyk» adroźnivajecca ad astatnich kamand? Nie tolki hučnymi siensacyjami i maładymi hulcami, niekatoryja ź jakich stanoviacca zorkami. Kamanda vychodzić z adpačynku ŭ śniežni i ŭsiu zimu doma rychtujecca da siezona.
Heta dazvalaje hulcam być u lepšaj fizičnaj formie, čym kankurenty, jakija navat mohuć dazvolić sabie zamiežnyja zbory.
Letaś na sintetycy stadyjona na Siamaški «Enierhietyk» nanios niepryjemnuju parazu BATE ŭ pieršym tury, a sioleta na starcie čakaje ŭ hości «Šachcior», jaki pakul nie vyhladaje niepieramožnym.
Patencyjna ŭ subotu zaŭziataraŭ čakaje samy cikavy matč tura.
«Viciebsk» — «Dynama-Minsk»
- 20.03, 16:00. CSK FK «Viciebsk» (štučnaje pole)
- Kaeficyjenty: «Viciebsk» (pieramoha) — 5.80; ničyja — 3.78; «Dynama» (pieramoha) — 1.55.
«Viciebsk» u Hrodnie zmahaŭsia nie tolki z «Niomanam», ale i z mocnym vietram. U vyniku kamanda Čarnuchina z dalokaha vyjezdu pryviezła adzin turnirny bał.
U matčach čempijanatu viciebčuki nie mohuć vyjhrać doma ŭ minskaha «Dynama» ź leta 2010 hoda. I pierad čarhovym prajezdam minčukoŭ na poŭnač Biełarusi raskłady kažuć, što naŭrad ci tendencyja pierałomicca.
«Dynama-Brest» — BATE
- 20.03, 18:00. ASK «Brescki»
- Kaeficyjenty: «Dynama» (pieramoha) — 3.52; ničyja — 3.68; BATE (pieramoha) — 1.90.
Niahledziačy na kardynalnyja źmieny ŭ bresckim kłubie, afiša ŭsio roŭna vyhladaje vielmi pryvabnaj. A badziory start «Dynama» dazvalaje navat nazvać subotniuju hulniu matčam tura.
Hulnia suprać BATE — davoli zvykłaja źjava dla Siarhieja Kavalčuka, ale dla jaho abnoŭlenaj kamandy heta budzie pieršym surjoznym ispytam.
Toje ž možna skazać i pra Vitala Žukoŭskaha. Na starcie jaho karjery ŭ Barysavie luby matč dla jaho jak ispyt. Pieršy istotny ŭ Supierkubku jon nie zdaŭ, ciapier važna zajaŭlać pra siabie ŭ inšym turniry.
«Minsk» — «Ruch»
- 20.03, 20:00. Stadyjon FK «Minsk»
- Kaeficyjenty: «Minsk» (pieramoha) — 4.30; ničyja — 3.60; «Ruch» (pieramoha) — 1.75.
«Minsku» nie chapiła niekalki chvilin, kab adabrać bały ŭ čempijonaŭ. Ale charaktar kamandy i ich volu da zmahańnia stanoŭča acanili ich zaŭziatary.
Čaho nie skažaš pra ŭražańni bresckich amataraŭ futboła ad hulni «Rucha». Kamandna kalektyŭ Alšeŭskaha hladzieŭsia kudy horš za «Homiel» i spraviadliva nie zmoh pieramahčy ŭ pieršym tury.
Mahčyma, dośvied vyjhravańnia tytułaŭ na sintetycy «Kamvolščyka» dapamoža byłym hulcam bresckaha «Dynama» ŭ składzie «Rucha» ŭ druhim tury, ale pakul kamanda vyhladaje davoli niestabilna.
«Słuck» — «Nioman»
Zimoj słuččaki i haradziency dvojčy sustrakalisia padčas mižsiezonnaj padrychtoŭki. Vyniki atrymalisia dyjamietralna supraćlehłymi: spačatku «Słuck» vyjhraŭ 2:0, paśla z tym ža likam vyjhraŭ «Nioman».
Što cikava, pierad siezonam haradziency ŭzmacnilisia adrazu čatyrma hulcami, jakija raniej hulali ŭ słuckaj kamandzie. Heta abaronca Alaksiej Haŭryłovič, paŭabaronca Juryj Kazłoŭ i napadniki Jahor Zubovič dy Siedryk Kuadža. Ci dapamoža taki bekhraŭnd «žoŭta-zialonym» pierad hulnioj u niadzielu?
«Homiel» — «Spadarožnik»
«Homiel» bieraže naturalny hazon «Centralnaha» i pieršuju chatniuju hulniu praviadzie na sintetycy, na jakoj taksama časova prapisaŭsia i «Spadarožnik». Tamu jašče niajasna, kamu ŭ niadzielu budzie bolš kamfortna.
Jak my kazali, hamielčuki pakazali pryvabny kamandny futboł u Breście i mohuć praciahnuć prahres u matčy z pakul što najhoršaj kamandaj čempijanatu. Apošniaja hulnia tura moža stać bahataj na momanty i zabityja miačy.
Staŭki na matčy čempijanatu Biełarusi pa futbole Vy možacie zrabić u punktach pryjomu stavak Bukmiekierskaj kantory Marafon, a taksama na sajcie marathonbet.by.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary