U Biełarusi prapanujuć raspracavać dziaržaŭnuju prahramu patryjatyčnaha vychavańnia nasielnictva. Pra heta paviedamiŭ namieśnik načalnika Hienieralnaha štaba Uzbrojenych Sił — načalnik hałoŭnaha apieratyŭnaha ŭpraŭleńnia Hienštaba US hienierał-major Pavieł Muraviejka, vystupajučy na Usiebiełaruskim narodnym schodzie.
Padziei minułaha hoda pravieryli na tryvałaść Vajennuju daktrynu Biełarusi, padkreśliŭ jon. «Zakładzienyja ŭ jaje asnovu padychody pa łakalizacyi vajennych pahroz, što vyklikanyja kalarovymi revalucyjami, dazvolili nie dapuścić hramadzianskaj vajny ŭ krainie. Naš narod sa svaimi synami ŭ pahonach abaraniŭ Biełaruś. Razam z tym stała vidavočna, što niekatoryja ŭnutranyja faktary ŭ daktrynalnaj dakumiencie niedaacenienyja. Havorka idzie ab źnižeńni ŭ hramadstvie ŭzroŭniu patryjatyzmu», — źviarnuŭ uvahu namieśnik načalnika Hienštaba US.
Jon adznačyŭ, što Biełaruś ubudavanaja ŭ suśvietnuju ekanamičnuju sistemu, adkrytyja rynki i miežy spryjajuć ruchu pracoŭnych resursaŭ. «My z vami stanovimsia śviedkami taho, jak kasmapalityčnyja pohlady ŭkaraniajucca ŭ śviadomaść biełarusaŭ. Ličačy siabie ludźmi śvietu, častka našych suajčyńnikaŭ hatovyja stać ludźmi biez Radzimy, admovicca ad jaje abarony, źjechać za miažu i parvać suviaź z rodnaj ziamloj», — zajaviŭ Pavieł Muraviejka.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary