23 vieraśnia na 82 hodzie žyćcia paśla praciahłaj chvaroby pamior Eduard Kanstancinavič Ahunovič — viadomy biełaruski hrafik i mastak-afarmiciel, zasłužany rabotnik kultury Biełarusi, siabra siekcyi «Pahonia» Biełaruskaha sajuza mastakoŭ, paviedamlaje Sajuz mastakoŭ u svaim fejsbuku.
Raźvitańnie ź im projdzie siońnia z 14 da 15 hadzin u rytualnaj zale Minskaj abłasnoj kliničnaj balnicy ŭ Lasnym, 1 (adrazu za Baraŭlanami).
Pachavany budzie Eduard Ahunovič u Rečycy, dzie naradziŭsia ŭ 1938 hodzie. Dla horada jon stvaryŭ kapličku ŭ honar Jeŭfrasińni Połackaj.
Eduard Ahunovič pracavaŭ u knižnaj i stankovaj hraficy. Aformiŭ paemy «Taras na Parnasie» i «Symon-muzyka» Jakuba Kołasa, «Pryhody Dzied Michieda» A. Astrejki, ramany Ivana Šamiakina dy inš.
Sapraŭdnuju słavu Eduardu Ahunovič pryniesła afarmleńnie ekspazicyj muziejaŭ samaha roznaha ŭzroŭniu i profilu. Heta i historyka-revalucyjnyja ŭstanovy — Dom-muziej I źjezda RSDRP u Minsku, muziej F. Dziaržynskaha, muziej saviecka-polskaj bajavoj sadružnaści ŭ vioscy Lenina Horackaha rajona. Ź luboŭju da kłasikaŭ rodnaj litaratury aformleny muziej Janki Kupały ŭ Minsku i jaho filijały, litaraturny muziej M. Bahdanoviča.
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža6
Kamientary