Andrej Dźmitryjeŭ pryjechaŭ na vybarčy ŭčastak na rovary, na ruce ŭ jaho biełaja stužka
Kandydat u prezidenty Biełarusi Andrej Dźmitryjeŭ prahałasavaŭ 9 žniŭnia ŭ vioscy Voŭčkavičy Dziaržynskaha rajonu — na svaim vybarčym učastku, piša Radyjo Svaboda.
Siudy jon pryjechaŭ na rovary razam sa svaim synam. Dźmitryjeŭ skazaŭ, što addaŭ hołas za novaha prezidenta. Na ruce ŭ jaho biełaja stužka.
«Toje, što my ciapier adbyvajecca — heta nie vybary, a supraćstajańnie», — skazaŭ Dźmitryjeŭ.
Ciaham dnia Andrej Dźmitryjeŭ budzie naviedvać vybarčyja ŭčastki i padtrymlivać niezaležnych naziralnikaŭ. Uviečary jon pryjdzie na adzin z učastkaŭ i budzie nazirać za padlikam hałasoŭ.
Kandydat pierakanany, što nivodzin z kandydataŭ nie maje absalutnaj padtrymki, a tamu ŭ Biełarusi musić być praviedzieny druhi tur vybaraŭ. Kali ž budzie abvieščanaja pieramoha adnaho kandydata ŭ pieršym tury, Andrej Dźmitryjeŭ płanuje padavać skarhu.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach10
Kamientary