Rehistracyja kandydataŭ u prezidenty adbudziecca 14 lipienia: u apošni dzień z mahčymych
Rehistracyja kandydataŭ u prezidenty zapłanavanaja na 14 lipienia — heta apošni z mahčymych dzion, praduhledžanych hrafikam vybarčaj kampanii, paviedamili «Radyjo Svaboda» ŭ CVK.
Pavodle kalendara CVK, rehistracyja pavinna była adbycca ŭ pramiežak času z 5 pa 14 lipienia. Adnak śpiecyjalnaje pasiadžeńnie kamisii pryznačanaje na krajni termin. U vyniku ŭ adroźnieńnie ad papiarednich vybarčych kampanij, na ahitacyju za kandydataŭ zastaniecca mieniej za miesiac, 25 dzion.
Dakumienty na rehistracyju zdali siem pretendentaŭ — Viktar Babaryka, Andrej Dźmitryjeŭ, Hanna Kanapackaja, Alaksandr Łukašenka, Valeryj Capkała, Śviatłana Cichanoŭskaja, Siarhiej Čeračań.
Paśla pravierki było zajaŭlena, što sapraŭdnych podpisaŭ dla rehistracyi nie chapaje tolki ŭ Capkały. Adnak sam jon skazaŭ, što budzie damahacca paŭtornaha pieraliku i zdymacca z honki nie źbirajecca.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3838
Kamientary