Sud u Haazie: Prezident Kosava datyčny da zabojstva amal 100 čałaviek u 1990-ja
Prezidentu Kosava Chašymu Tačy i byłomu śpikieru parłamienta Kosava Kadry Viesieli pradjaŭlenyja abvinavačvańni ŭ złačynstvach suprać čałaviečnaści i vajennych złačynstvach, uklučajučy zabojstva, vykradańni ludziej i katavańni.
Adpaviednuju zajavu raźmiaścili na sajcie Pałaty i śpiecyjalizavanaj prakuratury Kosava, što znachodzicca ŭ Haazie.
U abvinavaŭčym zaklučeńni śćviardžajecca, što Tačy, Viesieli i inšyja abvinavačanyja padazravanyja niasuć kryminalnuju adkaznaść za amal 100 zabojstvaŭ. Złačynstvy tyčacca sotniaŭ achviar siarod kosaŭskich ałbancaŭ, sierbaŭ, romaŭ i inšych etničnych hrup i ŭklučajuć palityčnych praciŭnikaŭ.
Tačy i Viesieli byli siarod zasnavalnikaŭ Vyzvalenčaj armii Kosava, u kancy 1990-ch jana vajavała suprać sierbskich vojskaŭ za niezaležnaść Kosava. Tačy byŭ palityčnym kiraŭnikom armii, Viesieli — kiraŭnikom raźviedki.
Kamientary