Siamion Šapira raskazaŭ, jak staŭ haspadarom dźviuch kvater u elitnym «Alimpik Parku» ahulnym koštam kala $250 tysiač
Były kiraŭnik Minskaj vobłaści Siamion Šapira staŭ haspadarom dźviuch susiednich kvater u adnym z damoŭ u «Alimpik Parku» — žyllovym kompleksie kala zakaźnika «Lebiadziny».
Jak stała viadoma «Našaj Nivie», jamu naležać dvoje susiednich apartamientaŭ płoščaj 100 m2 i 63 m2 adpaviedna.
Ahulny rynkavy košt hetaha žylla składaje kala $250 tysiač.
«Ja ŭpieršyniu ŭ žyćci pabudavaŭ sabie kvateru! Ja žyŭ u baćki. Jon (ekanamist Barys Šapira — Red.) pamior [hod tamu], ciapier ja ŭ jahonym domie žyvu.
U Hrodnie žyŭ u internacie pałovu času [pakul byŭ kiraŭnikom abłvykankama], potym tam pabudavali dom dla hubiernatara, ja tam paŭhoda pažyŭ. U Minsielhasie piać hadoŭ žyŭ u haścinicy z žonkaj i maleńkimi dziećmi», — tłumačyć «Našaj Nivie» Siamion Šapira.
Były čynoŭnik raskazvaje, što kali jašče pracavaŭ u Fiederacyi chakieja, uziaŭ kredyt u BPS-Śbierbanku na adnu z kvater — 213 tysiač rubloŭ na 19 hadoŭ.
«Abvału rubla nie radujusia, kryj Boža! Chacia toje, što kredyt u rublach, heta plus. Ale ŭsio astatniaje za devalvacyjaj budzie daražać, tak što plusaŭ niama», — razvažaje Šapira.
Druhuju kvateru ŭ «Alimpik Parku» jamu padaryŭ brat.
«Andrej nie bahaty čałaviek, ale ŭ nas pamior baćka, i treba było ŭrehulavać spadčynnyja adnosiny — chto kamu što pavinien. Tamu pryniali rašeńnie aformić na mianie kvateru, ja jaje budu pradavać», — raskazaŭ Siamion Šapira.
***
Siamion Šapira
Naradziŭsia ŭ 1961 hodzie ŭ vioscy Račeń na Lubanščynie ŭ siamji navukoŭca-ahrarnika Barysa Šapiry. Zakončyŭ Biełaruski dziaržaŭny instytut narodnaj haspadarki. Pracavaŭ u kałhasach Dziaržynskaha rajona, paśla ŭ struktury Ministerstva sielskaj haspadarki (1999-2004). Dyrektar ahrakambinata «Dziaržynski» (2004-2008), ministr sielskaj haspadarki (2008-2010), staršynia Hrodzienskaha abłvykankama (2010-2013), staršynia Minskaha abłvykankama (2013-2017), kiraŭnik Fiederacyi chakieja Biełarusi (2017-2018). Da niadaŭniaha času pracavaŭ u dyrekcyi «Vitalura». Žanaty, maje dačku i syna.
Čytajcie:
Siamion Šapira raskazaŭ, čamu syšoŭ ź dziaržsłužby i čym zajmajecca ciapier
Kiraŭnik DAI kupiŭ taŭnchaus u «Lebiadzinym» za $290 tysiač. Inšy pakupnik addaŭ za takoje žyllo $450 tysiač
Libierał, jaki staŭ žandaram. Historyja žyćcia Siamiona Šapiry
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary