Niepiareliŭki: u Francyi ŭrad abviaściŭ pra rekvizicyju masak u aptečnych sietak i vytvorcaŭ

Paŭdniovaja Kareja, Iran, Italija stali hałoŭnymi ahmianiami epidemii novaha karanavirusa. Kitaj zapyniŭ epidemiju, ale jakim koštam!

3 sakavika Covid-19 praciahvała pavoli raspaŭsiudžvacca pa płaniecie. Raście i kolkaść pamierłych: heta pieravažna ludzi starejšaha vieku.

U Italii kolkaść vyjaŭlenych chvorych pieravysiła 2500. 79 ź ich pamierli. 

U Iranie zarehistravali bolš za 2300 vypadkaŭ, 77 čałaviek pamierła.

U Karei ličba zaražanych pieravysiła 5000, pry hetym pamierła tolki 34 čałavieki.

Zatoje ŭ ZŠA paviedamlajuć pra 9 śmiarotnych vypadkaŭ sa 108 ahułam adznačanych.

U Kitai kolkaść zaražeńniaŭ źniziłasia da najnižejšaha za paŭtara miesiaca ŭzroŭniu, ale jakim koštam! Kraina praktyčna na miesiac spyniła pramysłovaść i transpart u mnohich rehijonach.

Raście kolkaść infikavanych unutry Hiermanii (196) i Francyi (204).

Prezident Francyi Emaniuel Makron paviedamiŭ pra rekvizicyju ŭsich zapasaŭ miedycynskich masak u aptek i vytvorcaŭ. 10 miljonaŭ prafiesijnych masak užo pieradadzieny va ŭstanovy achovy zdaroŭja dla razdačy, jašče 20 miljonaŭ buduć dastaŭleny pa miery patreby. Akramia taho, dziaržava praz palikliniki razdaść 5 miljonaŭ chirurhičnych masak piensijanieram i ludziam z kliničnymi chvarobami. Tym nie mienš, i ŭ Francyi hučać narakańni na adsutnaść masak va ŭstanovach achovy zdaroŭja.

U toj ža čas karancinnyja zachady, pryniatyja ŭ krainach Jeŭrasajuza, nie takija strohija, jak u Biełarusi. Hetak, u Italii tolki 60% pacyjantaŭ z vyjaŭlenym karanavirusam špitalizavanyja. Usie, u kaho lohkija vypadki, zastajucca doma. 2 z 18 infikavanych u Katałonii taksama zastajucca na karancinie doma. A ŭ Francyi pry vyjaŭleńni adzinaha infikavanaha školnika na karancin raspuskajuć tolki jaho kłas. Tady jak u Minsku ceły Biełaruski nacyjanalny techničny ŭniviersitet prypyniŭ zaniatki paśla vyjaŭleńnia tam adzinaha studenta-nośbita.

U cełym Suśvietnaja arhanizacyja achovy zdaroŭja na siońnia padaje nastupnyja źviestki. Śmiarotnaść ad novaha karanavirusa składaje na siońnia 3,4 % ad ahulnaj kolkaści vyjaŭlenych vypadkaŭ. I heta nie piareliŭki: u hrypu jana ŭ 30 razoŭ mienšaja. U toj ža čas novy virus nie taki zarazny jak hryp, i karancinnyja miery paśpiachova spyniajuć.

• 0
• 0
• 0
• 0
• 0
• 0
• 0
• 0