Histaryčny dzień: 14 śniežnia startujuć prodažy pieršaha biełaruskaha pierakładu «Hary Potera»
Zaŭtra, 14 śniežnia ab 11-j, u Domie knihi «Śvietač» (Minsk, Pieramožcaŭ, 11) — start prodažaŭ biełaruskaha pierakładu suśvietnaha biestsielera «Hary Poter i fiłasofski kamień» Dž. K. Roŭlinh.
Vydaŭcy padrychtavali cełuju prahramu z nahody hetaha histaryčnaha dnia: budzie i tematyčnaja fotazona z sapraŭdnym havoračym kapielušom, i viktaryny, i konkursy, dvuboi i bitvy na pryzy i źnižki.
A 12-j hadzinie pačniecca sustreča ź pierakładčycaj Alenaj Piatrovič, na jakoj vy daviedajeciesia, čamu ŭ biełaruskim vydańni niama Daŭhapupsa, jakoje imia atrymaŭ Nevił i jakich pamyłak zamiežnych pierakładčykaŭ historyi pra Hary Potera ŭdałosia paźbiehnuć.
Paśla sustrečy praciahniecca zabaŭlalnaja prahrama ź viktarynaj na viedańnie pieršaj častki, čaroŭnym krakadziłam, nastolnaj hulnioj «Pluj-kamiani» z suśvietu Hary Potera, čaroŭnymi šachmatami i inš.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary