Luksiemburh stanie pieršaj dziaržavaj Jeŭropy, dzie całkam lehalizujuć marychuanu, piša Guardian.
U ministerstvie achovy zdaroŭja krainy zajavili, što zabarona kanabisu bolš nie źjaŭlajecca aktualnaj palitykaj i tamu patrabuje pierahladu. U ministerstvie zaklikali susiednija krainy Jeŭrasajuza taksama pryniać rašeńnie ab lehalizacyi, bo status zabaronienaha rečyva padahravaje cikavaść moładzi. U Luksiemburhu zakanadaŭčyja źmieny ŭstupiać u siłu na praciahu dvuch hadoŭ.
Kupla marychuany budzie dazvolena ŭsim paŭnaletnim paddanym krainy i nie budzie raspaŭsiudžvacca na zamiežnikaŭ.
Miedycynskaje vykarystańnie marychuany i preparataŭ na jaje asnovie dazvolena ŭ Čechii, Polščy, Charvatyi, šerahu rehijonaŭ Italii i niekatorych inšych krainach. U Niderłandach u mnohich vypadkach užyvańnie kanabisu nie ličycca złačynstvam, choć zakanadaŭča marychuana tam całkam nie lehalizavanaja.
Całkam ža lehalizavali marychuanu Kanada i Uruhvaj.
Kamientary