Niaščasny vypadak adbyŭsia dniom 14 sakavika ŭ haražnym masivie ŭ Baranavičach.
U Baranavicki HRANS u 10.55 paviedamili, što pry praviadzieńni rabot pa hidraizalacyi nulavoha cykła budaŭnictva haraža (hłybinia 2,5 mietra) pa hałavu zasypała hruntam čałavieka.
Ratavalniki z dapamohaj rydlovak i padručnych srodkaŭ adkapali 67-hadovaha mužčynu. Paciarpiełaha z traŭmami advieźli ŭ balnicu.
Jak raspavioŭ Intex-press ŭładalnik haraža, raboty na miescy zdareńnia vialisia ŭžo dva tydni.
— Siońnia pobač prajechaŭ ciahnik i z-za vibracyi absypałasia ziamla. U hety momant na budoŭli pracavali dvoje maich znajomych: adzin paśpieŭ adskočyć, druhoha zasypała. Śpiarša toj, jaki vyratavaŭsia, sprabavaŭ sam adkapać naparnika, ale nie zmoh i vyrašyŭ vyklikać MNS, — paviedamiŭ mužčyna.
Pavodle jaho słoŭ, u paciarpiełaha mužčyny złamanaja naha.
— Ja vielmi ŭdziačny vyratavalnikam, što jany chutka adreahavali i ŭsio abyšłosia biez surjoznych nastupstvaŭ, — skazaŭ uładalnik haraža.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary