Błohier Łapšyn zajaviŭ, što tajamniča atrymaŭ kampramat suprać Biełarusi. Hienprakuratura piarečyć
Rasijska-izrailski błohier Alaksandr Łapšyn staŭ viadomy praz cvaje pryhody ŭ Biełarusi, adkul byŭ departavany ŭ Azierbajdžan. Ciapier Łapšyn paviedamiŭ, što ź im źviazalisia ad imia biełaruskaj prakuratury i pieradali «kampramat suprać Biełarusi».
Čytajcie: Błohiera Łapšyna ŭ kajdankach dastavili śpiecrejsam ź Minska ŭ Baku
«Maksim Siarhiejevič Hryhorjeŭ ź mižnarodnaha adździeła Hienieralnaj prakuratury Biełarusi, jaki pradstaŭlaŭ intaresy Baku ŭ pracesie ab majoj vydačy ŭ Azierbajdžan, na minułym tydni napisaŭ mnie z žanočaha akaŭnta ŭ fejsbuku i paprasiŭ prabačeńnia. Maŭlaŭ, jon tolki vykonvaŭ zahady źvierchu. Adrazu ja vyrašyŭ, što heta rozyhryš. Jon pjany? Ale jon napisaŭ, što maje dakumient, jaki ja i maje advakaty šukali hod i nie znajšli. Ja dumaŭ, što majoryška paprosić hrošaj, ale jon niečakana dasłaŭ mnie dakumient u fejsbuk», — paviedamiŭ svaim čytačam Łapšyn.
Pavodle Łapšyna, hetaja papiera ŭjaŭlaje saboj kampramat suprać Biełarusi (suprać jakoj jon padaŭ skarhu za parušeńnie praviłaŭ ekstradycyi ŭ Radu pa pravach čałavieka ŭ Ženievie).
«Havorka pra maju zajavu ab dadatkovaj abaronie, jakaja była padadziena mnoj 03.02.2017 i na jakuju ŭłady Biełarusi byli abaviazanyja adreahavać u termin, nie daŭžej za 15 sutak, pavodle zakona. Ale jany zajavili ŚMI, što ja nikoli hetuju zajavu nie padavaŭ. I voś, Maksim Siarhiejevič dasyłaje mnie hety dakumient», — dadaje taksama Łapšyn. Jon razvažaje, što niechta, mahčyma, dasłaŭ dakumient ad imia taho prakurora, kab jaho «padsiedzieć». Albo heta raźlik prakurora na budučuju emihracyju nibyta pierad palityčnaj emihracyjaj.
«Naša Niva» źviarnułasia ŭ Hienieralnuju prakuraturu z prośbaj prakamientavać dopis Łapšyna.
Tam śćviardžajuć, što jon pamylajecca.
«Raźmieščany ŭ sietcy Alaksandram Łapšynym dakumient śviadoma interpretujecca apošnim niasłušna, bo jon [dakumient] źjaŭlajecca kopijaj zvarota jaho advakataŭ u administracyju SIZA-1 Minska i nie moža razhladacca jak zajava asoby ab nadańni joj statusu ŭciekača, dadatkovaj abarony ci prytułku ŭ Biełarusi. U pradastaŭlenym dakumiencie vykładajecca prośba abaroncaŭ pieradać kopiju «uzora» adpaviednaha chadajnictva Łapšynu, pakolku tolki jon sam, a nie jaho abaronca, moža zapytać taki pravavy status. Hety dakumient i nie musić być u materyjałach ekstradycyjnaj vytvorčaści. Pry hetym u Hienieralnaj prakuratury Biełarusi adsutničaje infarmacyja ab tym, što Łapšyn źviarnuŭsia z takim chadajnictvam.
Na momant faktyčnaj pieradačy 7 lutaha 2017 hoda Alaksandra Łapšyna pradstaŭnikam azierbajdžanskich pravaachoŭnych orhanaŭ pieraškody dla zaviaršeńnia pracedury adsutničali.
Paviedamlenyja Łapšynym u sacyjalnych sietkach źviestki ab atrymańni infarmacyi ad prakurorskaha rabotnika nie adpaviadajuć rečaisnaści», — havorycca ŭ adkazie prakuratury.
Eks-ministr infarmacyi Łucki staŭ vieści «Kontury» na kanale ANT — jaki sam i ŭznačalvaje2
Kamientary