Były traktaryst z Tarnaha spraviŭsia sa złodziejem bieź milicyi, što zabraŭsia ŭ jaho dom. 73-hadovy dziadula adpraviŭ recydyvista ŭ nakaŭt adnym udaram levaj ruki, pišuć Narodnyja naviny Viciebska.
Abkasiŭšy svoj učastak na vulicy Danilenki, Juzaf Kałasionak vyrašyŭ viarnucca ŭ dom i pabačyŭ, što adna z šybaŭ raźbita. Na kuchni jon zastaŭ nieznajomca, jaki abšukvaŭ pamiaškańnie i składaŭ u sumku zdabyču.
Dalej adbyłosia toje, što na jurydyčnaj movie zaviecca «zachop asoby, jakaja ździejśniła złačynstva», a ŭ boksie — nakaŭtam. Adnym udaram levaj ruki pažyły viciabčuk adpraviŭ złodzieja čakać narada milicyi na padłozie kuchni ŭ nieprytomnym stanie.
— Zatrymany piensijanieram mužčyna ŭ milicyi staŭ skardzicca na haspadara doma, u jaki zabraŭsia: maŭlaŭ, toj udaryŭ jaho rydloŭkaj, — raspavioŭ «NNV» aficyjny pradstaŭnik UUS Viciebskaha abłvykankama Vital Sapronienka. — Adnak pravierka pakazała, što Juzaf Časłavavič spraviŭsia sa złačyncam hołymi rukami.
Sam Juzaf Kałasionak svoj učynak hierojskim nie ličyć. A mocnuju ruku tłumačyć tym, što šmat hadoŭ addaŭ pracy ŭ sielskaj haspadarcy, dy i ciapier, vyjšaŭšy na piensiju, biez spravy siadzieć nie pryvyk. Da piensii advažny viciablanin amal 40 hadoŭ adpracavaŭ na husieničnym traktary, a ciahavy vysiłak na ryčahach mufty sčapleńnia savieckich «husieničnikaŭ», jakimi pavaročvajuć traktar, moža dasiahać 25 kiłahramaŭ.
Dvajniki viadomych biełarusaŭ. I nie kažycie, što nie zadumvalisia pra ich padabienstva8
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary