Navukoŭcy ŭpieršyniu vylečyli nastupstvy demiencyi

Navukoŭcy z Univiersiteta Tempł z ZŠA zmahli raskryć niekatoryja raniej nieviadomyja aśpiekty raźvićcia niejradehienieratyŭnych pracesaŭ i, vykarystoŭvajučy novyja viedy, častkova skiravać ich nazad. Svaje adkryćci jany vyprabavali na myšach, havorycca ŭ artykule, apublikavanym u časopisie Molecular Neurobiology.

Navukoŭcy vyśvietlili, što sihnalnyja malekuły lejkatryjony, viadomyja svaim niehatyŭnym upłyvam na lohkija, vyklikajučy bronchaspazm, taksama hrajuć važnuju rolu i pry roznych formach demiencyi, zvyčajna na poźnich stadyjach.

Na pieršych etapach uzmocnieny sintez lejkatryjonaŭ nakiravany na zapavoleńnie niejradehienieracyi, adnak zatym akazvaje niehatyŭny ŭpłyŭ na mozh, uzmacniajučy źlipańnie ŭ jaho kletkach «kamiakoŭ» tak zvanaha tau-białku. Hety praces viadzie da destabilizacyi kletkavaha škileta, dehradacyi sinapsaŭ — i, jak vynik, parušeńnia pamiaci, navučańnia i inšych funkcyj.

Vyjaviŭšy heta, navukoŭcy vyrašyli pravieryć, ci dapamoža błakavańnie lejkatryjonaŭ skiravać nazad naniesienyja paškodžańni. Dla hetaha navukoŭcy vykarystoŭvali hienna-madyfikavanych myšej, schilnych da raźvićcia taupatyi: va ŭzroście 12 miesiacaŭ (što ekvivalentna dla ich čałaviečym 60 hadam) žyvioły atrymlivali zileŭton — antylejkatryjonavy preparat, jaki vykarystoŭvajecca dla praduchileńnia raźvićcia bronchaspazmu. Praz šasnaccać tydniaŭ hetyja myšy prachodzili testy na prastoravuju pamiać. Efiekty zileŭtonu akazalisia vielmi zaŭvažnymi: takija hryzuny istotna lepš spraŭlalisia z łabiryntam.

Kab kančatkova pierakanacca ŭ tym, što ideja była słušnaja, aŭtary acanili ŭzrovień lejkatryjonaŭ, pakazaŭšy, što pry pryjomie preparata ich kolkaść u tkankach mozhu źnižajecca na paradak. Nie hetak efiektna — ale ŭsio roŭna ŭ dva razy — padaje i kolkaść nierastvaralnych «kamiakoŭ» tau-białku. Narešcie, rezka zapavoliłasia i dehradacyja sinapsaŭ.

Chvaroba Alchiejmiera, demiencyja i inšyja niejradehienieratyŭnyja zachvorvańni viaduć da prablem u pracy pamiaci i vykanańni inšych składanych kahnityŭnych funkcyj. Ich miechanizmy niezvyčajna składanyja i da hetaha času niedastatkova vyvučany, što robić takija chvaroby nievylečnymi.

• 0
• 0
• 0
• 0
• 0
• 0