Ad Kalkuty da Pchieńjana: top-10 samych vialikich stadyjonaŭ śvietu
Kožny zaŭziatar viedaje, što atmaśfiera hulni šmat u čym zaležyć ad miesca, dzie jana adbyvajecca. A čym bolš ludziej pryjšło na matč, tym bolš emacyjanalnym jon stanovicca.
Hetym razam «Naša Niva» padrychtavała rejtynh samych vialikich stadyjonaŭ śvietu pa kolkaści hladackich miescaŭ. Pačniem z kanca (pryvodziacca aficyjnyja mižnarodnyja nazvy stadyjonaŭ).
10. Salt Lake Stadium
Druhi pa źmiaščalnaści ŭ śviecie stadyjon mieścicca ŭ Indyi i byŭ adkryty ŭ 1984 hodzie.
Źmiaščalnaść: 85 000 čałaviek.
9. Borg El Arab Stadium
Stadyjon byŭ pabudavany ŭ 2007 hodzie la Aleksandryi, što ŭ Jehipcie, dla nacyjanalnaj sbornaj krainy pa futbole.
Źmiaščalnaść: 86 000 čałaviek.
8. Estadio Azteca
Hety stadyjon — samy źmiaščalny ŭ Łacinskaj Amierycy. A jašče jon adzin z samych vysakahornych u śviecie.
Umiaščalnaść: 87 000 čałaviek.
7. Gelora Bung Karno Stadium
Hety indanezijski stadyjon — adzin z samych starych z našaha rejtynhu. Jon byŭ pabudavany ŭ 1960 hodzie śpiecyjalna da Azijackich hulniaŭ 1962 hoda pry dapamozie SSSR. Na momant adkryćcia źmiaščaŭ 100 800 hledačoŭ, ale nieadnarazova rekanstrujavaŭsia, što pryviało da źmianšeńnia kolkaści miescaŭ.
Źmiaščalnaść: 88 083 čałavieki.
6. Bukit Jalil Stadium
Stadyjon mieścicca ŭ Kuała-Łumpury, stalicy Małajzii, i byŭ pabudavany ŭ 2007 hodzie da čempijanatu Azii pa futbole.
Źmiaščalnaść: 89 411 čałaviek.
5. Wembley Stadium
Byŭ pabudavany ŭ Łondanie ŭ 2007 hodzie na miescy źniesienaha staroha stadyjonu. «Novy Uembli» źjaŭlajecca druhim pa vieličyni stadyjonam Jeŭropy.
Źmiaščalnaść: 90 000 čałaviek.
4. Beijing National Stadium
Stadyjon, viadomy jak «ptušynaje hniazdo» za svoj niezvyčajny źniešni vyhlad, byŭ pabudavany ŭ Piekinie śpiecyjalna da Alimpijskich hulniaŭ 2008 hoda.
Źmiaščalnaść: 91 000 čałaviek.
3. First National Bank Stadium
Heta najbujniejšy stadyjon Afryki. Znachodzicca ŭ paŭdniovaafrykanskim Jochanesburhu. Pabudavany ŭ 1986-m, rekanstrujavany ŭ 2009-m.
Źmiaščalnaść: 94 736 čałaviek.
2. Camp Nou
U pierakładzie z katałanskaj — «Novaje pole». Ad momantu svajho adkryćcia ŭ 1957 hodu i dahetul stadyjon naležyć katałonskamu kłubu «Barsiełona».
Źmiaščalnaść: 99 354 čałaviek.
1. Rungrado 1st of May Stadium
Rekardsmien — stadyjon Pieršaha Maja ŭ Pchieńjanie (KNDR). Jon maje płošču až 207 tysiač kvadratnych mietraŭ.
Źmiaščalnaść: 114 000 čałaviek.
Kamientary