Alaksandr Łukašenka, adkazvajučy na pytańni deputataŭ pa vynikach Pasłańnia biełaruskamu narodu i Nacyjanalnaha schodu, zajaviŭ, što ŭ druhim paŭhodździ pasprabuje pavysić pracoŭnyja piensii.
«Niadaŭna mnie nazvali adnu ličbu: za piacihodku realnyja dachody nasielnictva bolš čym na treć u nas vyraśli — 35%», — zaznačyŭ Łukašenka. Pry hetym kiraŭnik dziaržavy źviarnuŭ uvahu, što ceny ŭ Biełarusi rastuć i, adpaviedna, realnyja dachody piensijanieraŭ źnižajucca. «My pastarajemsia ŭ druhim paŭhodździ abaviazkova pavysić piensii».
Nahadajem, apošni raz piensii pavyšalisia napiaredadni apošnich prezidenckich vybaraŭ — 1 vieraśnia 2015 hoda (na 5%).
Pavodle źviestak statystyki, u lutym 2016 hoda ŭ orhanach pa pracy, zaniatasci i sacyjalnaj abaronie znachodzilisia na ŭliku 2 młn. 592,1 tys. piensijanieraŭ. Siaredni pamier pryznačanych im piensij skłaŭ 2 młn. 815,5 tys. rubloŭ, što ŭ 2,3 razu pieravyšaje biudžet pražytačnaha minimumu dla piensijanieraŭ.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary