Navukoŭcy vyjavili na zdymkach pavierchni Charona, jaki źjaŭlajecca najbujniejšym z spadarožnikaŭ Płutona, vobłaść, jak miarkujecca, pakrytuju słojem ciomnaha pyłu.
U tvitary NASA adznačajecca, što ciomnuju vobłaść Charona, raźmieščanuju la jaho Paŭnočnaha polusa, užo prazvali Mordaram u honar adnajmiennaj vobłaści z ramanaŭ brytanskaha piśmieńnika Džona Tołkina.
Ahienctva ŭdakładniaje, što navukoŭcy čakajuć bolš detalovych zdymkaŭ zahadkavaha rehijonu, jakija dapamohuć dakładniej vyznačyć typ rečyva, jakoje pakryvaje płanietu, i jaho pachodžańnie.
Akramia taho, navukoŭcy źviarnuli ŭvahu na niečakana małuju kolkaść krateraŭ ŭ centralnaj častcy Charona i na hory, uzrost jakich, pa ich acenkach, nie pieravyšaje 100 młn hadoŭ, što daje padstavy ličyć ich maładymi.
Fatahrafii byli atrymany z kaśmičnaha aparata New Horizons, jaki dniami paśla amal dziesiacihadovaha palotu dasiahnuŭ Płutona i pieradaŭ na Ziamlu jaho pieršyja detalovyja zdymki. Ciapier aparat praciahnie palot da inšych abjektach u pojasie Kojpiera.
Misija New Horizons raźličana na 15-17 hadoŭ. Čakajecca, što ŭ dalejšym aparat zmoža źniać maleńkija miesiacy Płutona — Styks, Niks, Cerbiera i Hidry.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»5
Kamientary