Na pamiežnyja pierachody ŭ Breście možna budzie patrapić tolki pa elektronnaj čarzie
Sistema elektronnaha braniravańnia čarhi ŭ pahraničnych punktach propusku pačnie dziejničać u 2015 hodzie.
Pra heta paviedamiŭ siońnia staršynia Dziaržaŭnaha pahraničnaha kamiteta Leanid Malcaŭ padčas sieminara deputataŭ Pałaty pradstaŭnikoŭ Nacyjanalnaha schodu ŭ Breście.
U testavym režymie sistema braniravańnia času pierasiačeńnia dziaržaŭnaj miažy moža być zapuščana ŭžo ŭ kancy hetaha hoda.
Prajekt budzie aprabavany na pamiežnym hruzavym terminale «Kazłovičy-2», dzie zaviaršajecca budaŭnictva siervisnaj zony.
Usie vadzicieli transpartnych srodkaŭ, jakija miarkujuć pierasiekčy dziaržaŭnuju miažu, buduć abaviazanyja zabraniravać čas na internet-partale abo na terminale ŭ siervisnaj zonie.
Pry rehistracyi jany atrymajuć elektronny dakumient. Pry ŭjeździe transpartnaha srodku ŭ punkt propusku (miarkujecca, što heta možna budzie zrabić u miežach adnoj hadziny adnosna zabraniravanaha času) pamiežnik pry dapamozie admysłovaj pryłady spraŭdzić adpaviednaść čarzie.
Paśla taho jak ekśpierymient budzie aprabavany na praktycy i adpracavany ałharytm dziejańniaŭ, elektronnuju čarhu buduć uvodzić i ŭ inšych punktach propusku.
Nastupnym punktam propusku, dzie zapracuje sistema, stanie «Varšaŭski most».
Siervisnaja zona tam ŭžo stvoranaja. Zastajecca napoŭnić jaje prahramnym praduktam.
Akramia bresckich uładaŭ cikavaść da prajektu taksama prajaviŭ Hrodzienski abłvykankam.
Dvajniki viadomych biełarusaŭ. I nie kažycie, što nie zadumvalisia pra ich padabienstva10
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary